ЯҢАЛЫКЛАР

Шәмәрдән п. «Районара күз хирургиясе үзәгендә» балалар бүлегенең ачылуы булды. Үзәкне тантаналы ачуда Саба районы башлыгы Рәис Миңнеханов, ТР Сәламәтлек саклау министрлыгы Дәвалау һәм профилактика ярдәмен күрсәтү идарәсенең башлыгы  Ирина Малышева катнаштылар. Үзәк балаларның күз авыруларын (ерактан начар күрүне, ерактан яхшы күрүне, күз астигматизмын, амблиопияне һәм кылыйлыкны) физиотерапия һәм аппарат белән дәвалауны уздыру өчен бөтен кирәкле җиһазлар белән җиһазландырылган. Үзәк җитәкчесе Александр Расческов балалар бүлегенең эше Саба районының гына түгел,  Кукмара, Балтач, Арча, Теләче, Мамадыш районнарының да балаларына офтальмологик ярдәм алуын җиңеләйтергә рөхсәт итәчәк, дип ышана. Социаль әһәмиятлелекне һәм проектның таләп ителүен исәпләп, шул юнәлеш  ТР ССМның, ТР ССМның баш штаттан тыш балалар белгече- офтальмологының гомуми оештыру-методик булышлыкларында үсә һәм аның максаты – дәүләт-хосусый партнерлыкның  принципларында хезмәттәшлекне киләчәктә киңәйтү һәм Татарстан Республикасының ерак районнарында югары квалифицияле балалар офтальмологик ярдәменең ала алырлыгын яхшырту.

Бүген Казан шәһ. «7нче номерлы шәһәр сырхауханәсе» ДАССОда пациентлар өчен «Сәламәтлекне оештыру һәм картаюны профилактикалау» дигән чираттагы мәктәп уздырылды. Мәктәп сырхауханәнең профилактика бүлеге һәм КДМУ «Неврология һәм медицина реабилитациясе» кафедрасының хезмәткәрләре белән бергәләп оештырылды. 39 пациент, чакырылган район хастаханәләрнең баш табиблары һәм «Сәламәтлек саклау үзәге» мөдирләре булдылар. Мәктәп чикләрендә профессор Тәхавиева Ф.В. лекция  укыды, анда сәламәт яшәү рәвешенең, чыныктыруның, ашау рационының мәсьәләләре турында фикер алышынды.  Пациентлар белән дәвалау гимнастикасы уздырылды, аларны кызыксындыручы сорауларга җаваплар бирелде.

21 декабрьдә Яр Чаллы шәһ. онкологик авыручылар һәм аларның туганнары өчен «Пациент мәктәбе» узачак. Чара темасы: «Онкологик авыручыларда механик сары төшү.  Метастазлар химиоэмболизациясе. Үзәк вена портын урнаштыру». «Онкологик пациент мәктәбен»  оештыручылар: «Яман шешкә каршы хәрәкәт (Движение против рака)» дигән регионара җәмәгать хәрәкәтенең Яр Чаллы бүлеге һәм «Яман шешне җиңәбез (Рак победим)» дигән җирле җәмәгать оешмалары Республика клиник онкология диспансерының Яр Чаллы филиалы белән бергә.

18 декабрьдә 11.00 сәг. Х.Бигичев ур., 20 адресы буенча «Азино» сырхауханәсендә БРКХнең җитәкчелегенең һәм фәнни консультантларының ТР масса-күләм мәгълүмат чараларының вәкилләре белән очрашуы булачак. Журналистларга Балалар республика клиник хастаханәсенең амбулатор-сырхауханә хезмәтенең эше белән танышырга, гаиләләр белән дәвалау-профилактик эшне оештыру турында белергә, БРКХнең җитәкчелегенә һәм эксперт төркеме әгъзаларына үз сорауларын бирергә мөмкинлек тәкъдим ителәчәк.

2015 елның 16 декабрендә Казан дәүләт медицина университетында Идел буе федераль округының «Средневолжский» фәнни-белем бирү медицина кластерын оештыру турында Килешүгә кул кую һәм аның Үсеш концепциясе турында фикер алышу узачак.

Россия Федерациясе Сәламәтлек саклау министрлыгы 2015 елның маеннан Россия Федерациясе халкына территориаль-участок принцип буенча медицина ярдәмен күрсәтүче участок терапевтларыннын, гомуми практика табибларыннан алынган атналык һәм айлык мәгълүматлар нигезендә сәламәтлек саклау системасының беренчел буынының эш нәтиҗәлелеген күзәтүне уздыра. Барысы  Россия Федерациясенең 85 субъектында өлкән халыкка хезмәт күрсәтүче 52 меңнән артык участок.

ТР ССМ Әлмәт муниципаль районы буенча Сәламәтлек саклау идарәсенең коррупциягә каршы эш буенча комиссиясе утырышы 14 декабрьдә Идарә җитәкчесе Вера Головина рәислегендә Әлмәт шәһәр прокурорының өлкән ярдәмчесе Илдус Алимовның, Әлмәт районы буенча Россия ЭЭМның ИКБ һәм ККЭ бүлеге башлыгы Рамил Кадыровның, баш табибларның катнашуы белән узды.

Шул көнне бөтен медицина оешмаларында гомумроссия гражданнарны кабул итү көне узды.

2015 елның 11 декабрендә Мәскәүдә «Экспоцентр» ҮККда иң югары казанышлар спортында медицина хәленең һәм аның үсеш күренешенең мәсьәләләре буенча «СпортМед-2015» Х Халыкара фәнни конференция чикләрендә «Россия сәламәтлек саклау атнасы-2015» дигән Халыкара фәнни-гамәли форум узды.

ТР сәламәтлек саклау министры боерыгы белән Яр Чаллы шәһ. Сәламәтлек саклау идарәсенең җитәкчесе вазыйфасына Сабаев Олег Вил улы билгеләнде.

14 декабрьдән башлап 16на кадәр Югары медицина технологияләренең белем бирү үзәге һәм «Республика клиник офтальмология хастаханәсе» ДАССОсы «Шәфкатъ туташлар эшендә факоэмульсификация» дигән тематик цикл уздыралар. Цикл максаты – факоэмульсификацияне уздыруда катнашучы операция эше белгечләрен хәзерләү сыйфатын күтәрү, операциядән соң чорда йогышлы  өзлегүләрнең үсешен кисәтү һәм пациентларның яшәү сыйфатын күтәрү.