ЯҢАЛЫКЛАР

Мәскәүдә «Сәламәт бөерләр өчен сәламәт яшәү рәвеше» темасына, Бөтендөнья бөер көненә туры китерелгән, Бөтенроссия бөер көне узды. Конференциядә Республика клиник хастаханәсеннән гемодиализ бүлегенең мөдире, ТР ССМның канны чистартуның бөер тышындагы алымнары буенча баш штаттан тыш белгече  Наил Гатиятуллин катнашты.

ТР Уйлап табучыларының һәм рационализаторының республика советы утырышында 2016 елда Татарстан Республикасы эшчәнлегенең йомгаклары ясалдылар. 2016 елның эш нәтиҗәләре буенча «ТР ССМ РКХ» ДАССОсы Татарстан Республикасы предприятиеләре, оешмалары һәм учрежденияләре арасында тапкыр, рационализатор һәм патент-лицензион эшне иң яхшы куелыш буенча Республика смотрында фәнни-тикшеренү оешмалар арасында II урын алды. «ТР ССМ РКХ» ДАССОсы вәкилләренә диплом тапшырылды.

Әлмәттә Республика клиник офтальмология хастаханәсенең  табибы-офтальмологы Элина Минхуҗина катнашуы белән күз авыруларын профилактикалау буенча пациентлар өчен Мәктәп узды. Бу юлы сөйләшү күрү сәләтенә шикәрле диабет тәэсире турында барды.

2017 елның 13 мартыннан башлап 22нә кадәр Татарстанда туберкулез профилактикасы буенча ункөнлек уза. Ул ел саен 24 мартта билгеләнгән Бөтендөнья туберкулез белән көрәшү көненә туры китерелгән.  Бөтендөнья туберкулез белән көрәшү көне 1982 елдан башлап Бөтендөнья сәламәтлек саклау оешмасы һәм Халыкара туберкулез һәм үпкә авырулары белән көрәшү союзы инициативалары буенча билгеләнә. 1998 елдан башлап бу көн БМОның рәсми булышлыгын алды.

Бүген 4нче номерлы «Студенческая» шәһәр сырхауханәсендә тәртипле ашау темасына сырхауханәгә килүчеләр өчен уку узды. Чараның максаты – яшьләр арасында сәламәт яшәү рәвешен пропагандалау.

Бүген Яшел Үзән районында М-7 трассасының 790 км АЗСдә шартлау булды, аның нәтиҗәсендә 2 кеше зыян күрде. Бер зыян күргән кеше авыр хәлдә РКХнә тапшырылды, икенче зыян күргән кеше карап тикшерүдән соң амбулатор дәвалауга җибәрелде. ГТХ урынында Казан һәм Яшел Үзән ашыгыч медицина ярдәменең 2 бригадасы эшләде.

Норлат районында кече нефть предприятиеләренең берсендә йөрәк-кан тамырларын профилактикалау буенча «Үз сәламәтлегеңне тикшер» дигән акция узды. Акция чикләрендә предприятиенең 90 эшчесе скрининглы тикшерү узды, анда артериаль кан басымын, кандагы шикәр дәрәҗәсен тикшерү, күз эчендәге басымны, тән массасы индексын  үлчәү керде. Бөтен акциядә катнашучылар табиб консультациясен алдылар.

Иртәгә Республика клиник офтальмология хастаханәсендә (Казан шәһ., Бутлеров ур., 40) 15.00 сәг. күз авыруларын профилактикалау буенча пациентлар өчен мәктәп узачак. Сүз өлкән яшьтәге макуляр дегенерация турында булачак – ул 50 яшьтән өлырак кешеләр арасында киң таралган, начар күрүгә һәм сукырлыкка китерә торган авыру.

Түбән Камада «Сулыш алу әгъзалары авыруларын диагностикалау һәм дәвалау» темасына семинар-киңәшмә узды. Анда республиканың 12 районыннан табиблар-терапевтлар, гомуми практика табиблары, клиник фармакологлар, пульмонологлар, инфекционистлар, педиатрлар һәм фтизиатрлар катнаштылар. Семинар өзлексез  медицина белеме чикләрендә уздырыла.

2017 елның 6 мартыннан башлап 12 мартына кадәр Казанның Ашыгыч медицина ярдәме станциясенә 8038 чакыру керде.  Җәмәгать урыннарына 979 чакыру керде. Чакыруларның иң зур саны – 6457– төрле авыруларга, шул санда 163 инсультка һәм 33 инфаркта туры килде. Бала табуларга ашыгыч медицина табиблары 109 тапкыр чыктылар.