ЯҢАЛЫКЛАР
Казанда Татарстан Республикасы наркологик хезмәтенең 40-еллыгына багышланган Республика наркологик диспансерының медицина советы булды. Утырышта 2016 ел эчендә эш йомгакларын ясадылар.
2016 елда ТР Сәламәтлек саклау министрлыгы Республика клиник хастаханәсенең эш йомгакларына һәм 2017 елга бурычларга багышланган Хастаханә советының киңәйтелгән утырышы РКХдә узды.
Чарада бөтен республикадан табиблар-неонатологлар, анестезиологлар-реаниматологлар һәм педиатрлар катнашачаклар. Конференциядә Татарстан Республикасында неонаталь хезмәтенең формалашуы турында, 2016 елда Татарстан Республикасында яңа туган балаларның һәм беренче ел яшәүче балаларның күрчәткечләрен анализлау турында, яңа җитлекми туган балаларны яхшы карап терелтү турында, яңа туган балаларда үпкә инвазив вентиляциясенең хәзерге заман алымнары турында фикер алышачаклар.
Бүген Чистайда 2016 ел эчендә Чистай үзәк район хастаханәсенең эш йомгакларын ясадылар һәм агымдагы елга бурычлар билгеләделәр. Утарышта Татарстан Республикасы сәламәтлек саклау министры урынбасары И.Р. Фатыйхов, Чистай муниципаль районы башлыгы Д.И. Иванов, Чистай шәһәр прокуратурасы прокуроры С.Б. Егоров, шулай ук районның сәламәтлек саклау оешмаларының җитәкчеләре һәм хезмәткәрләре катнаштылар.
ТР ССМ Республика клиник онкология диспансерында медицина советы булды. Анда 2016 ел эчендә оешманың эш йомгакларын ясадылар һәм 2017 елга бурычларны билгеләделәр.
Мәскәүдә Н.О. Миланов хәтеренә «Пластик хирургия Россиядә» дигән III конференция булды. Конференциядә онкология өлкәсендә яшь белгечләр – ТР ССМ Республика клиник онкология диспансеры 4нче номерлы көндезге стационарының табибы-онкологы, КДМА радиология һәм паллиатив медицина кафедрасы аспиранты Айрат Хәмитов һәм КДМА онкология, радиология һәм паллиатив медицина кафедрасы аспиранты Илнур Камалетдинов докладлар белән чыктылар.
Югары Ослан үзәк район хастаханәсендә йомгаклау медицина советы булды. Анда Татарстан Республикасы сәламәтлек саклау министры урынбасары Фәридә Яркаева, Югары Ослан районы Башкарма комитеты җитәкчесенең социаль-мәдәният мәсьәләләре буенча урынбасары Гөлия Камалетдинова катнаштылар.
Бүген Казанның 82нче номерлы мәктәбендә «Сәламәт мәктәп» акциясе узды. Исегезгә төшерик, акция казан мәктәпләрендә Балалар республика клиник хастаханәсенең һәм Республика медицина профилактикасы үзәгенең инициативасы буенча тәртипле рәвештә уза. Аның төп максаты укучыларга онкология авыруларының үсешеннән ничек сакланырга. Укучылар кунаклар белән бергә флешмобта катнаштылар һәм зарядка ясадылар.
ТР Сәламәтлек саклау министрлыгы 2017 елны җәрәһәтләнү һәм таяныч-хәрәкәт аппараты авыруларын профилактикалау елы дип игълан итте. Шушы мәсьәләнең актуальлеге аркасында 7нче шәһәр сырхауханәсендә неврология һәм реабилитация кафедрасы белән бергә 2017 елның 22 февралендә 13.00 сәг. «Сөяк-мускул системасы авыруларын профилактикалау» темасына пациентлар өчен мәктәп узачак.
Бүген 4нче номерлы «Студенческая» шәһәр сырхауханәсенә эш визиты белән Мурманск өлкәсенең делегациясе килеп китте. Делегация составында килделәр: Мончегорск үзәк район хастаханәсе (Мончегорск шәһ.) баш табибы Сергей Леонид улы Лялюшкин, Оленегорск үзәк шәһәр хастаханәсе Эдуард Николай улы Гончаров, П.А.Баяндин исемендәге Мурманск өлкә клиник хастаханәсе хезмәткәрләре.