Марат Садыков Коррупциягә каршы тору буенча комиссия утырышында чыгыш ясады

ТР сәламәтлек саклау министры Марат Садыков Татарстан Республикасында Коррупциягә каршы тору буенча эшне координацияләү комиссиясе утырышында чыгыш ясады.

Берләшкән Милләтләр Оешмасы Генераль Ассамблеясы карары нигезендә ел саен 9 декабрьдә Халыкара коррупциягә каршы көрәш көне билгеләп үтелә. Төп максат – барлык дәүләтләрнең һәм дөнья җәмәгатьчелегенең игътибарын әлеге проблемага җәлеп итү.

Татарстан Республикасында «2015 – 2022 елларга Татарстан Республикасының коррупциягә каршы сәясәтен гамәлгә ашыру» дигән коррупциягә каршы бишенче программаның чаралары үткәрелә. Анда 100дән артык башкаручы катнаша – республика һәм федераль дәрәҗәдәге дәүләт хакимияте органнары, җирле үзидарә органнары, җәмәгать оешмалары җәлеп ителә.