РФ Дәүләт Думасы депутаты Ольга Павлова Чистай ҮРХдә булды

2019 елның 30 декабре, дүшәмбе

Чистай муниципаль районында РФ Дәүләт Думасының җиденче чакырылыш депутаты, ТР Дәүләт Советының Социаль сәясәт комитеты әгъзасы Ольга Павлова булып китте.

Эш визиты чикләрендә Ольга Павлова Чистай бала тудыру йортына һәм «Чистай ҮРХ» ДАССУнең балалар сырхауханәсенә килеп китте.  Очрашу барышында Чистай ҮРХ баш табибы Рәис Мостафин депутатка структур бүлекчәләр, казанышлар һәм үсеш перспективалары, шулай ук Чистай муниципаль районында "Сәламәтлек саклау" илкүләм проектын тормышка ашыру турында сөйләде.