Түбән Кама бала тудыру йортында беренче «Яңа туган сабыйга бүләк» тапшырдылар
2020 елдан башлап, ТР Министрлар Кабинеты карары нигезендә, җан башына уртача кереме яшәү минимумыннан кимрәк булган гаиләләргә «Яңа туган балага бүләк» тапшыра башладылар. Беренче җыелманы Түбән Кама әнисе Софья Серебрякова алды. Роман – гаиләдә икенче бала, 13 гыйнварда туган, 3430 граммлы һәм 51 см буй белән.
Чыгарылу көнендә гаиләне Түбән Кама муниципаль районы ТКМР ССИ җитәкчесе урынбасары Рита Медведева һәм перинаталь үзәк җитәкчесе Рөстәм Галиев котладылар. Алар яшь ата-аналарга яңа туган сабый өчен иң кирәкле әйберләрдән – памперслардан һәм пеленкалардан башлап комбинезон-трансформерга кадәр һәм киез итекләрдән торган бүләк җыелмасы тапшырдылар.
Исегезгә төшерәбез, чыгарылу көнендә бүләк комплектын алу өчен гаиләнең җан башына уртача кереме күләме турында белешмә бирергә кирәк. Ул Республика матди ярдәм үзәгенең бүлеге тарафыннан бирелә. Бүләкне бала туганнан соң алты айдан да соңга калмыйча алырга мөмкин.