КБМҮ Бөтендөнья бала имезү атналыгына кушылды
Бөтендөнья бала имезү атналыгы 1 августтан 7 августка кадәр үткәрелә. Аның максаты – хатын-кызларга бала сәламәтлеге өчен күкрәк сөте имезүнең өстенлеге турында сөйләү.
Яр Чаллы шәһәренең Кама балалар медицина үзәге дә Бөтендөнья бала имезү атналыгын кушылып, ел саен күкрәк сөте имезүче әниләр өчен чаралар үткәрелә.
Узган атна дәвамында КБМҮнең перинаталь үзәгенең социаль челтәре төркемендә йөкле һәм имезүче әниләр арасында кыйммәтле приз – профессиональ электр сөтсуырткыч уйнатылды. Бәйгедә катнашучылар барысы да АКЕВ күкрәк сөте имезү белгече Эльвира Ибраһимова белән киңәшләшү мөмкинлеге алдылар. Моннан тыш, узган атна дәвамында КБМҮнең перинаталь үзәгендә яңа туган балалар әниләренә бүләкләр бирелде.
Бөтендөнья сәламәтлек саклау оешмасы экспертлары фикеренчә, күкрәк сөте имезү ана һәм баланың сәламәтлеген ныгытуга ярдәм итә. Барлык әниләр дә диярлек күкрәк сөте имезә алса, ел саен 800 меңнән артык бала гомерен саклап калырга мөмкин булыр иде. Күкрәк сөте имезү анада күкрәк яман шеше, күкәйлек яман шеше, 2 тибындагы диабет һәм йөрәк авыруларының үсү куркынычын киметә.
Бәяләүләр буенча, күкрәк сөте белән туендыру масштабларын киңәйтү ел саен күкрәк яман шешеннән әниләрнең үлеменең 20 мең очрагын булдырмый калырга мөмкинлек бирер иде.