ЯҢАЛЫКЛАР

Әлмәт шәһәренең «Татнефть» ААҖ Медсанчастендә умырткасының дегенератив авыруларын дәвалауның яңа кагыйдәләренә багышланган «Катнаш керүне файдаланып спондилолистезны хирургик дәвалау " дигән халыкара мастер-классы узды.

Чистай РҮХнең медицина хезмәткәрләре гриппка каршы вакцинация үткәрү турында халыкка мәгълүмат бирү буенча актив эш алып баралар. Педиатрлар һәм фельдшерлар ата-аналар белән очрашуларда чыгыш ясыйлар, анда грипп билгеләре, өзлегүләр һәм аны профилактикалау турында сөйлиләр. Белгечләр билгеләп үткәнчә, вакытында вакцинация грипп белән авыруларны булдырмаска ярдәм итә һәм, бигрәк тә кече яшьтәге һәм өлкән яшьтәге балаларда, өлкән яшьтәгеләрдә, йогышсызландыру куркынычын киметә.

Тәтеш районында күкрәк яман шешенең иртә тәгаенләү буенча акция уза. Аның кысаларында хатын-кызлар бушлай карау, сөт бизләрен тикшерү һәм яман шеш буенча белгеч-маммолог консультациясын ала алалар.

 

Барлык процедуралар Республика клиник яман шеш буенча  диспансерның күчмә имчәк бизенә рентген рәсемен ясау аппарытында уза. Кешеләрне тикшерү «2018-2020 елларга Тәтеш районы халкына яман шеш буенча ярдәм күрсәтүне камилләштерү чаралары»программасын үтәү кысаларында оештырылды. Тәтеш шәһәрендә 370 хатын-кыз каралды, киләчәктә барлык авылларны тикшерү белән башкару планлаштырыла.

11 сентябрдә Казанда Бөтенроссия аеклык көнен билгеләп үтәләр. Быел Боратынский музеенда аеклык бәйрәменә 15 лет тулды. “Аеклык бәйрәме – Казан губернасының мәдәни мирасы” – чараның үзәк идеясы.

Гриппны профилактикалау һәм вакытында вакцинация үткәрү турында Казан укучыларына тематик дәресләрдә Балалар республика клиник хастаханәсенең белгечләре сөйлиләр. Дәресләрдән укучылар профилактик прививкаларның Милли календаре үтәлешен һәм хәзерге заман вакцинопрофилактикасын үтәргә кирәклеге турында беләләр. Укулар дискуссия форматында уза. Табиблар балалар белән генә түгел, өлкәннәр белән дә аралашалар, шул исәптән мәктәпкәчә учреждениеләрдә ата-аналар җыелышларында да.

2018 елның 10-12 октябрендә «Казан ярминкәсе» күргәзмәләр үзәгендә «Сәламәтлек индустриясе. Казан» халыкара күргәзмәсе узачак, ул сәламәтлек саклау өлкәсендә югары сыйфатлы дару препаратларын, медицина техникасын, җайланмаларны, товарларны һәм хезмәтләрне базарга этәрү буенча Татарстан Республикасының төп мәйданчыгы булып тора. "Сәламәтлек индустриясе. Казан» күргәзмәсе Татарстан Республикасы Сәламәтлек саклау министрлыгының актив ярдәме белән уздырыла.

 

Күрү буенча мөмкинлекләре чикләнгән студентлар Түбән Кама медицина көллиятендә укый башладылар. Дүртесе сукыр булган 12 кеше Медицина массажы белгечлеген аерым программа буенча дәресләрдә үзләштерәләр. Шунысын да билгеләп үтәргә кирәк, сукыр кеше өчен кулларның сизгерлеге хас, шуңа күрә мондый белгечләр аеруча кадерле.

Атна эчендә  Казанда ашыгыч ярдәм хезмәтенең табиблары 7309 тапкыр кеше коткарырга чыктылар, алар арасында җәмәгать урыннарына 1348 чакыру керде. Бәхетсез очракларга узган атнада ашыгыч ярдәм медиклары 1008 тапкыр, шул санда ЮТҺ урыннарына 44 тапкыр чыктылар. Шул ЮТҺдә 44 кеше зыян күрде, 27 кеше дәвалау оешмаларына китерелде. Янгыннарга ашыгыч ярдәм медиклары 27 тапкыр чыктылар.  Бала табуларга Ашыгыч медицина ярдәме станциясеннән Казан табиблары 69 тапкыр чыктылар. Төрле авырулар буенча 5578 чакыру үтәлде, аларның 52 – көчле миокард инфаркты, 199 – баш мие кан әйләнешенең көчле бозылуы.

Казанда Россия Респиратор җәмгыятенең форумы узды, анда Татарстанның 122 табибы катнашты. Кунаклар алдында Мәскәү шәһәре сәламәтлек саклау департаментының баш пульмонологы, профессор А.С. Белевский, профессор Е.И. Шмелев, ТР Сәламәтлек саклау министрлыгының баш пульмонологы, медицина фәннәре докторы И.Ю. Визель чыгыш ясадылар. ТР ССМ баш терапевты, медицина фәннәре докторы Д.И. Әбделганиева Татарстанда үлүчеләр санын киметү сорауларын тәкъдим итте. Белгечләр бронхиаль астма, ХОБЛ, пневмония, сирәк очрыйтырган үпкә авыруларының диагностикасының һәм дәвалауның төп нигезләмәләре турында фикер алыштылар.  

Профилактик прививкаларның Милли календаре һәм хәзерге заман вакцинопрофилактикасының үтәлеше турында  Биектау районының мәктәпкәчә яшьтәге балаларның әти-әниләренә сөйләделәр. Район үзәк хастаханәсенең вакцинация буенча белгечләр мәктәпкәчә учреждениеләрдә ата-аналар җыелышларында чыгыш ясадылар, анда вакцина кертелгәннән соң йогышлы авыруларга иммунитетны эшләү механизмнары, вакцинациядән соң хәлләр начарлану куркынычы, яңа нәтиҗәле һәм куркынычсыз вакциналар турында сөйләделәр.