ЯҢАЛЫКЛАР

Әлфия Авзалова исемендәге Актаныш район мәдәният сараенда Медицина хезмәткәре көненә багышланган тантаналы чара узды. Муниципаль районның башкарма комитеты җитәкчесе Энгель Фәттахов тәбрикләү сүзләре белән чыгыш ясады. Ул медицина хезмәткәрләренә фидакарь хезмәтләре һәм һөнәри осталыклары өчен, эшләрендә уңышлар һәм нык сәламәтлек теләп, рәхмәтен белдерде. ТР Сәламәтлек саклау министрлыгының мактау грамоталары белән бүләкләү тантанасын Актаныш ҮРХнең баш табибы Айдар Хаев үткәрде. Бәйрәм Татарстан Республикасының Дәүләт җыр һәм бию ансамбленең концерт номерлары белән тәмамланды.

Республика кан үзәгенең белгечләре Апас үзәк район хастаханәсенең җирлегендә Донор көнен уздырдылар. Кан тапшырырга әзерлекләрен 56 донор белдерде, алар ярдәмендә 25,844 литр кан хәзерләделәр. Канны җыю һәм консервлау махсус мобиль комплекста гамәлгә ашырылды. Үзенең төп бурычыннан –донорларны кабул итүдән тыш, комплекс халыкның игътибарын көндәлек тормышта донорлык темасының көнүзәклегенә җәлеп итүгә юнәлтелгән тагын бер коммуникация коралы булып хезмәт итә.

2018 елның  20 июнендә 62нче яшендә РФнең Атказанган табибы, ТРның Атказанган табибы Евгений Александр улы Сахаров кинәт вафат булды.

Татарстан Республикасы Сәламәтлек саклау министрлыгының хезмәттәшләре һәм хезмәткәрләре Евгений Александр улының гаиләсенең һәм дусларының кайгыларын уртаклашалар.

Евгений Александр улы Сахаров медицина фәннәренең кандидаты, югары квалификацион категориянең табибы психиатры-психотерапевты иде. 1981 елда дәвалау эше белгечлеге буенча С. В. Курашов исемендәге Казан медицина институтын кызыл диплом белән тәмамлады. Хезмәт медицина эшчәнлеген Казан шәһәр психо-неврология диспансерында табиб-интерн буларак башлады.

1993 елда Сахаров Е. А. катнашуында Россиядә беренче тапкыр ТР ССМ Балалар республика клиник хастаханәсенең җирлегендә клиник-психологик хезмәт оештырылды, нәтиҗәдә ул Россиядә иң яхшысы дип танылды. Евгений Александр улы күп кенә табиблар өчен хезмәтне сөючәнлекнең, үзеңне даими камилләштерүнең, укымышлылыкның үрнәге иде. Ул Татарстан һәм Россия психиатриясенең үсешенә зур өлеш кертүче көчле табиблар-психиатрларның тулы бер плеядасын тәрбияләде. Аның укучылары – бөтен ил буенча кирәкле профессионаллар.

Җеназа 22 июнь көнне Арча зиратында узачак.

Бүген Балалар республика клиник хастаханәсенең хезмәткәрләре кечкенә пациентлар һәм аларның ата-аналары өчен «Чыгару мәктәбе» тематикасы астында танып белү чараларының циклын хәзерләделәр. Программа башында балаларга Бөек Ватан сугышының башлануына багышланган тарихи презентация күрсәттеләр, анда шәһәрләрдә һәм фронтта оккупацияләнгән кешеләрнең тормышлары турында, Туган җир өчен гомерләрен биргән  танылган ватандашлар турында сөйләделәр. Балалары инде хастаханәдән чыгарылырга әзер булган ата-аналарга БРКХ белгечләре балаларда эч кибүне төзәтү һәм бронхообструктив синдром турында сөйләделәр. Медиклар белән аралашу диалог форматында узды.

Гражданлык җәмгыятен үстерүгә юнәлтелгән РФ Президенты Фондының гранты Татарстан Республикасында ВИЧ-йогышланганнар өчен «Пациентлар мәктәбе» эшенең географиясен киңәйтте. Казаннан тыш, проект Чаллыда, Әлмәттә һәм Бөгелмәдә эшли башлады. ВИЧ-йогышланганнар өчен «Пациентлар мәктәбе» комплекслы медик-социаль хезмәтне үз эченә ала һәм Республика СПИД үзәгенең коммерциячел булмаган оешмалар белән хезмәттәшлеге карамагында үткәрелә. Чаралар ВИЧ-йогышланганнарда антиретровируслы терапиягә бирелгәнлекне булдыруга һәм терапияне рөхсәтсез туктатуның дәрәҗәсен киметүгә юнәлтелгәннәр. 

Медицина хезмәткәре көненә багышланган тантаналы чарада Ашыгыч медицина ярдәменең 39 табибын һәм фельдшерын Татарстан Республикасы Сәламәтлек саклау министрлыгының һәм Казан шәһ. Сәламәтлек саклау идарәсенең мактау грамоталары белән бүләкләделәр. Баш табиб Фәрит Галяутдинов барлык хезмәткәрләргә фидакарь хезмәтләре, һөнәри осталыклары һәм җаваплылыклары, һөнәргә бирелгәнлекләре һәм тугрылыклары өчен рәхмәтен белдерде. Медицина хезмәткәрләрен һөнәри бәйрәмнәре белән А. В. Аухадеев исемендәге Казан музыка көллиятенең студентлары котладылар.

Түбән Камада туберкулезның, ВИЧ-йогышының һәм җенси юл белән күчә торган йогышларның таралуын профилактикалауга, кисәтүгә һәм алар белән көрәшкә багышланган ведомствоара комиссия утырышы узды. Комиссия эшендә ТКМР Башкарма комитеты җитәкчесенең урынбасары Айдар Фаретдинов һәм ТКМР буенча Сәламәтлек саклау идарәсенең җитәкчесе Венера Рәхимова катнаштылар.

Бүген Республика клиник хастаханәсендә «Подписчик көне» үтә. Чарада «Татмедиа» АҖнең генераль директоры Андрей Кузьмин, РКХ баш табибы Рафаэль Шәвәлиев, әйдәп баручы татарстан басмаларының вәкилләре: «Казанские Ведомости», «Шәһри Казан» газеталарының, «Сөембикә», «Татарстан» журналларының мөхәррирләре катнашалар.  Барлык теләүчеләр клиниканың хезмәткәрләре һәм пациентлары өчен Татарстан Республикасының һәртөрле басмасына язылуны оформить итә алалар. «Язылу бүләк ит» акциясе кысаларында Республика клиник хастаханәсенең һәр бүлеге үзенең ветераннарын бүләк рәвешендә татарстан газеталарына һәм журналларына язылдырачак.

Әлмәт муниципаль районының башкарма комитетының җитәкчесе Марат Гыйрфанов медицина хезмәткәрләрен һөнәри бәйрәмнәре белән котлады. РФ һәм ТР Сәламәтлек саклау министрлыгының мактау грамоталары, «ТР сәламәтлек саклавының мактаулы хезмәткәре» дигән тармак билгесе белән бүләкләү тантанасын ТР ССМның ӘМР буенча сәламәтлек саклау идарәсенең җитәкчесе Вера Головина үткәрде. «Авыручылар белән аларның проблемаларын уртаклашу бик катлаулы, һәм моның өчен сезгә чын күңелдән зур рәхмәт. Бәйрәмнәрдә генә түгел, гадәти көннәрдә дә «Рәхмәт, доктор» сүзләрен ишетү – бик кыйммәтле», – дип белдерде ул хезмәттәшләренә рәхмәт сүзләрен. Шунысын билгеләп үтәргә кирәк, Әлмәтнең медицина хезмәткәрләре сәламәт яшәү рәвешен һәм актив озын гомерне пропагандалау максаты белән төрле спорт ярышларында актив катнашалар. Бүгенге көндә Әлмәт муниципаль районының медицина учреждениеләрендә 589 табиб һәм 2 109 шәфкать туташы хезмәт куя.

Игътибар! «Сәламәтлек саклауны оештыру һәм иҗтимагый сәламәтлек» белгечлеге буенча аттестация үткәрүнең урыны үзгәрде.

2018 елның 19 июненнән башлап «Сәламәтлек саклауны оештыру һәм иҗтимагый сәламәтлек» белгечлеге буенча аттестация «Республика медицина мәгълүмати-аналитик үзәге» ДАССУдә түбәндәге адрес буенча узачак: Казан шәһ., Гадел Кутуй ур., 88 йорт.

Аттестация өчен документларны кабул итү Татарстан Республикасы Сәламәтлек саклау министрлыгының кабул итү сәгатьләрендә түбәндәге адрес буенча алып барыла: Казан шәһ., Островский ур., 11/6, каб.104.

Аттестация турында тулырак мәгълүмат minzdrav.tatarstan.ru Татарстан Республикасы Сәламәтлек саклау министрлыгының сайтында «Медицина белемен бирү һәм аттестацияләү бүлегенең мәгълүматы» бүлегендә урнаштырылган.