ЯҢАЛЫКЛАР

Бүген Республика стоматология сырхауханәсендә кечкенә пациентлар өчен «Игелекле стоматолог» дигән бәйрәм уздырдылар. Тешләр өчен нәрсә файдалы һәм тешләрне ничек дөрес чистартырга кирәк булуы турында балалар сырхауханәсенең медицина хезмәткәрләреннән һәм «Сәламәт елмаюлар» волонтерларыннан белделәр. Балаларга стоматология авырулары турында сөйләделәр, авыз куышлыгы гигиенасына һәм тешләрне дөрес чистартуга макетларда өйрәттеләр. Балалар белемнәрен өйрәтү мультфильмы белән ныгыттылар. Дәрес уен формасында узды. Очрашу ахырында беркем дә иганәчеләрдән бүләксез калмады. Оештыручылар билгеләү буенча, мондый акцияләр даими рәвештә үткәреләчәк.

Бүген Казанда Казан медицина учреждениеләрен мәгълүматлаштыру мәсьәләләре буенча күчмә утырыш узды. Анда ТР сәламәтлек саклау министры урынбасары Айрат Гарипов, ТР мәгълүматлаштыру һәм элемтә министры урынбасары Азат Мөгинов, Республика медицина мәгълүмати-аналитик үзәгенең директоры Равил Гарипов, шәһәр медицина учреждениеләренең җитәкчеләре катнаштылар. Санлы технологияләр ярдәмендә медицина хезмәтенең нәтиҗәлелеген һәм хезмәтне ала алырлыгын ничек арттыру турында фикер алыштылар, аерым алганда, медицина учреждениеләренә «Татарстан Республикасы Электрон сәламәтлек саклавы» Бердәм дәүләт мәгълүмат системасын кертү, «ТР Электрон сәламәтлек саклау» БДМС проектының коралы итеп балалар медицина кластерын оештыру, 2018 елда медицинада мәгълүматлаштыру системасының үсеш планнары һ. б. мәсьәләләрне кузгаттылар.

Чистайда «Чистай ҮРХ» ДАССУ, Чистай шәһәр суды һәм Чистай районара тикшерү бүлеге командалары араларында волейбол буенча иптәшләрчә матч узды. Спорт азартын һәм җиңүгә омтылышны уенның бөтен катнашучылары да күрсәттеләр. Җиңүгә рухландыручыларның  зур ярдәмен дә билгеләргә кирәк. Иптәшләрчә уенның нәтиҗәсе «Чистай ҮРХ» ДАССУ командасының Чистай шәһәр судының командасын җиңүе булды. Шулай ук дус, әмма ярышлы атмосферада «Чистай ҮРХ» ДАССУ командасы Чистай районара тикшерү бүлеге командасы белән уйнаганда җиңү яулады.  Ярышлар тәмамлангач, катнашучылар бер-берсенә мавыктыргыч уен өчен рәхмәт белдерделәр һәм мондый очрашулар уңай эмоцияләр өстиләр дип  билгеләделәр. Очрашуның инициаторы Чистай шәһәр суды рәисе Андрей Карпов әйткәнчә, очрашуның төп максаты – актив һәм сәламәт яшәү рәвешен популярлаштыру һәм пропагандалау.

Татарстан бүген бөтен ил буенча билгели торган Милли донор көненә традицион рәвештә кушылды. Шулай итеп, Республика кан үзәге, Казан дәүләт медицина университеты һәм «Россия Студентлар отрядлары» дигән яшьләр гомумроссия иҗтимагый оешмасының Татарстан региональ бүлеге араларында социаль хезмәттәшлек турында килешүгә Республика кан үзәгендә кул куелды. Хезмәттәшлек актив яшьләрнең хәйрия эшчәнлегенә катнашуларын җәлеп итүгә, донорлык хәрәкәтен һәм социаль партнерлык институтларын үстерүгә һәм шулай ук халыкның рухи һәм физик сәламәтлеген тәэмин итүгә юнәлдереләчәк.

Бүген Яр Чаллы сәламәт саклавының хезмәткәрләре «Сәламәтлек 2018» Спартакиадасы чикләрендә медицина эшчеләре арасында канат тарту буенча ярышларда катнаштылар.  Ярышлар «Витязь» балалар-яшүсмерләр спорт мәктәбендә уздылар. Шәһәрнең 20 медицина учреждениесеннән хатын-кыз һәм ир командалары катнаштылар.

Әлмәтнең балалар сырхауханәсендә бәйрәм узды. Прививкалар ясарга нигә мөһим булганын медицина эшчеләре уен формасында яшь пациентларга сөйләде. Иммунизация – сәламәтлек саклавында казанышларның берсе, һәм бөтен дөньяда иң ала алырлык һәм нәтиҗәле яклау һәм төрле йогышлар белән көрәш чарасы дип танылган. «Перинаталь үзәге белән Әлмәт балалар шәһәр хастаханәсе» ДАССУнең мәктәп һәм мәктәпкә кадәр учреждениеләренә хезмәт күрсәтү өчен бүлекнең мөдире Гүзәлия Сафина  ата-аналар белән әнгәмәдә, бүген гражданин түләүсез вакциналаштыруга  хокуклы, дип басым ясады. Шул вакытта  яраткан әкиятләрнең геройлары балаларның күңелләрен ачтылар. Акция Европа иммунизация атнасы чикләрендә узды.

20 апрельдә, Милли донор көнендә, Республика кан үзәге, Казан дәүләт медицина университеты һәм «Россия Студентлар отрядлары» дигән яшьләр гомумроссия иҗтимагый оешмасының Татарстан региональ бүлеге араларында өчьяклы Социаль хезмәттәшлек турында килешүгә Республика кан үзәгендә кул куелачак. Килешүнең максаты –түләүсез масса-күләм донорлыкны үстерү буенча торышлыкларны берләштерү, Татарстан Республикасы территориясендә ирекле донорлыкны этәрү булачак.

21 апрельдә Мәскәүдә «Спартак» спорт комплексы территориясендә мини-футбол буенча хәйрия «Халыклар дуслыгы кубогы -2018» узачак. Ул – традиция буенча Россиянең һәм БДБнең төрле почмакларыннан 20 артык предприятиене җыючы халыкара әһәмияте булган спорт турниры. Турнирдан акчаның бер өлеше П. А. Герцен исемендәге Мәскәү онкология фәнни-тикшеренү институтының авыручыларына ярдәм хәйрия фондына барачак.

Катнашучылар пациентларга юнәлдерелгән сервис системасын төзелешендә кирәкле гамәли һәм методологик базаны өйрәнделәр, мондый проектны кертү үрнәкләре, клиент сервисының 20 коралы белән таныштылар, максатлар билгеләделәр, пациентларга юнәлдерелгән сервисның үз стратегиясен һәм шәхси еллык кертү планын эшләделәр. Кире элемтә алуның 10нан артык ысулын өйрәнделәр, учреждение хезмәткәрләре арасында конфликтларны чишү һәм канәгать булмаган пациентлар белән эш турында фикер алыштылар.

23 апрельдә 15.00 сәгатьтә «Икенче сулыш» дигән чаллы Онкологик пациентларга һәм аларның якыннарына социаль-психологик булышлык күрсәтү үзәгендә онкологик авырулар белән пациентлар һәм аларның туганнары өчен Мәктәп узачак. Очрашуда яман шешләрне дәвалау алымнарының берсе булган  – химиотерапия һәм дәвалау барышында һәм ул тәмамланганнан соң пациентларның маршрутизациясе турында фикер алышачаклар. Бөтен кешеләр, кемне дәвалау һәм тернәкләндерү алымнары, социаль яклау мәсьәләләре кызыксындыра һәм кемгә психологик булышлык кирәк, чакырылалар.