ЯҢАЛЫКЛАР

«Тормыш бүләк ит миңа» акциясе кысаларында Гаилә, мәхәббәт һәм тугрылык көненә багышланган КМТТУ (КХТИ) студентлары өчен «Студенческая» №21 Шәһәр сырхауханәсе» ДАССУнең һәм «Республика медицина профилактикасы үзәге» ДАССУнең хезмәткәрләре, шулай ук  КДМУ «Сәламәтлек Академиясе» яшьләр иҗтимагый хәрәкәте тарафыннан «Яшел наратлык» спорт-сәламәтләндерү лагерында  абортларны профилактикалауга  юнәлдерелгән чаралар комплексы оештырылды. Әлеге мәсьәләнең зур әһәмияткә ия булуын аңлап, студентлар сырхауханәсе студентлар яшьләре арасында теләмәгән йөклелекне кисәтү буенча профилактик эшне даими рәвештә үткәрә.

Студентларга  абортлардан соң барлыкка килгән проблемалар турында, шулай ук контрацепция чаралары турында җентекләп сөйләделәр. Шулай ук егетләргә дә аерым игътибар бирелде, чөнки теләмәгән йөклелекне булдырмау өчен ике партнер да җаваплы – бу проблема хатын-кызларныкы гына түгел, ирләрнеке дә.

Очрашу әңгәмә форматында узды: студентлар күп сораулар бирделәр. Акциянең максаты – абортларның зыяны турында мәгълүматлаштыру гына түгел, ә гаиләнең һәм ана булуның традицион кыйммәтләрен саклау да.

Исегезгә төшерәбез, «ашыгыч ярдәмгә» шәһәр телефоныннан «03» номерын җыеп шалтыратырга кирәк, ә кәрәзле телефоннан – «103»  (түләүсез). Әгәр шалтыратып булмый икән, тормышка куркыныч  янаган хәлләрдә «112» номеры буенча шалтыратырга мөмкин. Чукрак-телсез кешеләр SMS-хәбәрләр җибәрәләр. Авыру яисә зыян күргән кеше янына ашыгыч ярдәм бригадаларын  тиз итеп җибәрү өчен һәм үз вакытында медицина  ярдәмен  күрсәтү өчен чакыручы «03» номерында эшләүче фельдшер (диспетчер) биргән бөтен сорауларга аңлаешлы һәм төгәл итеп җавап бирергә тиеш. Чакыруның сәбәбен, урынын һәм адресын (шәһәрнең районын, урамын, квартира номерын, катын, подъезд номерын һәм кодын), ориентирларны, авыруның яисә зыян күргән кешенең фамилиясен, исемен, атасының исемен хәбәр итәргә кирәк. Фельдшер, бирелгән сорауларга тулы җаваплар алгач, чакыручыга «Сезнең чакыруыгыз кабул ителде» дип җавап бирсә, чакыруны кабул итү вакытын әйтсә һәм адресны кабатласа, чакыру кабул ителгән дип санала.

«Яшел каникуллар» балалар программалары студиясе белән берлектә Казан ДМУ 6-8 сыйныф укучыларын «Медицина каникуллары» профильле сменасына чакыра, ул 2018 елның 12-26 августында Тирән күл ял базасында узачак. 2017 елның июнендә Казан ДМУ малайларны һәм кызларны «Медицина каникуллары» профильле сменасына беренче тапкыр җыйды. Программа республиканың гомуми белем бирү мәктәпләренең  6-8 сыйныф укучылары өчен махсус эшләнде. Ике атна дәвамында укучылар һөнәр сайлауның психологиясе белән таныштылар, үзләренең психологик үзенчәлекләрен өйрәнделәр, гадәтләрнең төрле модельләрен «киеп карадылар» һәм аларның нәтиҗәлелеген бәяләделәр. Нәтиҗәдә, күбесе үзләренең табиб булырга карарларында инандылар, ә кемдер әлегә психологик яктан бу сайлауга әзер түгеллеген аңлады.

«Татмедиа» АҖ хезмәткәрләре Казан шәһәре предприятиеләренең хезмәт коллективлары өчен ВИЧ-йогышына аноним экспресс-тест буенча профилактик акциядә катнаштылар. Татарстан Республикасы буенча Кулланучылар хокукларын һәм кеше иминлеген яклау өлкәсендә күзәтчелек буенча федераль хезмәт Идарәсе белән берлектә Республика СПИД үзәге акциянең оештыручылары булып торалар. Белгечләр зарарлануның профилактикасы һәм куркынычлары турында сөйләделәр һәм тыңлаучылардан булган сорауларга җавап бирделәр. Теләүчеләр ВИЧ-йогышына түләүсез аноним экспресс-тест уздылар. Акция кысаларында үзләренең ВИЧ-статусын 59 кеше белде.

Татарстанда бик эссе һава торышы саклана, ул сәламәтлеккә зыян китерергә мөмкин. Куркыныч төркемендә – озак дәвам итә торган авырулардан, шул санда йөрәк-кан тамырлары авыруларыннан, интеккән кешеләр. Бөтендөнья сәламәтлек саклау оешмасы эссе һава торышының сәламәтлеккә тискәре йогынтысын булдырмый калып булганлыкны билгеләп үтә һәм  халык өчен киңәшләр белән бүлешә.

Татарстан Республикасы  медицина учреждениеләрендә производство травматизмының профилактикасына багышланган тематик ун көнлек игълан ителде. Производство травмасы – ул производствода бәхетсез очрак белән барлыкка килгән кеше организмына кетелмәгәндә килеп чыккан зыян китерү һәм  аның эшкә яраклылыгын югалту. Производствога бәйле бәхетсез очракларны кабатлау – производство травматизмы дип атала.

Healthy Nation журналы электрон һәм басма массакүләм мәгълүмат чараларында патриотик тәрбия бирү темасын иң яхшы яктыртуга «Россия патриоты– 2018» дигән Бөтенроссия ММЧ конкурсында катнашты. Федераль матбугат һәм массакүләм коммуникацияләр агентлыгы (Роспечать) һәм Халыкара пресс-клуб конкурсның оештыручылары булдылар. Healthy Nation редакциясе журналлар арасында I урынны алды, ул Татарстан сәламәтлек саклавының танылган эшлеклеләре турында сөйләүче «Хәтер» рубрикасының материалларын конкурска җибәрде. 

Бөтенроссия профилактик медицина һәм сәламәт яшәү рәвешен популярлаштыру өлкәсендә проектлар конкурсының максаты – сәламәт яшәү рәвешен популярлаштыруга һәм профилактик эшләр үткәрүгә волонтерларны җәлеп итү өлкәсендә иң яхшы тәҗрибәләрне ачыклау һәм тиражлар билгеләү.

Балалар республика клиник хастаханәсендә консультатив сырхауханәдә сирәк авыруларны күзәтү кабинетында пациентларны консультацияләү өчен электрон язылу ачылды. Билгеләнмәгән диагнозлар һәм аңлашылмый торган халәтләр белән сирәк авыруларга шикләнгәндә, шулай ук орфан авыруының диагнозы инде дәлилләнгән булганда белгечләр пациентларны кабул итәләр. БРКХ 1нче номерлы консультатив сырхауханәсендә сирәк авыруларны күзәтү кабинетының бурычы – сирәк патологиянең диагнозын билгеләү буенча педиатрларның, профильле белгечләрнең һәм пациентларның (аларның законлы вәкилләренең)тырышлыкларын координацияләү.

Республика клиник хастаханәсе Республика уйлап табучылык, рационализаторлык һәм патент-лицензия эшенең иң яхшы куелышына смотрында II урынны яулады. Конкурс Татарстан Республикасы Фәннәр академиясендә булып узды, анда «Регионда интеллектуаль милек базарының формалашуы һәм үсеше: интеллектуаль милек базары катнашучыларының һөнәри эшчәнлегенең куркынычларын бәяләү һәм аларны компенсацияләү» дигән VII Региональ фәнни-гамәли конференциясе узды. Конференция 2017 ел эчендә ТР Уйлап табучылары һәм рационализаторлары җәмгыятенең эш йомгакларын ясау белән башланып китте. Республика клиник хастаханәсен II дәрәҗә дипломы белән билгеләделәр.