ЯҢАЛЫКЛАР

Мастер-класста оешмаларның төрле бүлекләре хезмәткәләреннән оештырылган эш төркемнәре катнаштылар. Алар корпоратив компетенцияләрне кертү буенча эчке тренерлар булачак. Мастер-класс теоретик әсбәпләрне тәкъдим итү белән тест-уен формасында узды.

Республика медицина профилактикасы үзәгенең табиблары төрле яшьтәге балалар арасында сәламәт яшәү рәвешен һәм физик активлыкны оештыру буенча пропаганда чараларын уздыру өчен «Кояшлы» һәм «Гагарин исемендәге» балалар сәламәтләндерү лагерьларына чыктылар. Гигиеник тәрбияләү бүлегенең табибы балаларга сәламәт яшәү рәвешенең төп постулатлары турында, сәламәт ашау, хәрәкәт активлыгы һәм позитив фикерләү файдасы турында сөйләде. Ул яшьләр арасында зарарлы гадәтләр турында аерым темага кагылды. Шулай ук җәйге җәрәһәтләнүне кисәтү максаты белән балаларның куркынычсыз тәртипләренә басым ясалды. «РМПҮ» ДАССО медицина реабилитациясе бүлегенең белгече сын-гәүдәнең бозылуына 150 бала тикшерде. Лагерьларның медицина хезмәткәрләренә методик ярдәм күрсәтелде һәм җәй чорында профилактик эшне оештыру буенча консультация уткәрелде.

Бүген Яңа Чишмә районында, Казан – Әлмәт а/ю-да, Акъяр саласы янында ЮТҺ булды. Җиңел автомобильнең аударылу нәтиҗәсендә 6 кеше зыян күрде, шул санда 1 (2013 елда туган) бала. ЮТҺ урынына Яңа Чишмә АЯ бригадасы чыкты. Бөтен зыян күргән кешеләр Яңа Чишмә ҮРХнә китерелделәр, ике кеше кәнәгатьләнерлек хәлдә, дүрт кеше, шул санда бала, уртача авыр хәлдә.

ISO 9001:2015 стандартның яңартылган версиясе бөтен процессларда рискларны тиңләштерүне һәм алар белән идарә итүне; идарә итүнең, ресурсларны бүлеп бирүнең нәтиҗәлелеген арттыруны; оешманы үстерү өчен яңа мөмкинлекләрне ачыклауны; стандартларга туры китереп һәм пациентлар кетү нигезендә медицина ярдәменең сыйфатын һәм ала алырлыгын даими арттыруны һ. б. ниятли.

Түбән Камада Фтизиатр көненә туры китерелгән фтизиатрия хезмәте хезмәткәрләренең Республика семинары узды. Шундый өйрәтүче семинарлар ел саен республиканың төрле шәһәрләрендә үткәреләләр һәм оешмаларда эш сыйфатын яхшырту буенча яхшы нәтиҗә бирәләр.

Исегезгә төшерәбез,  «ашыгыч ярдәмгә» шәһәр телефоныннан «03» номерын җыеп шалтыратырга кирәк, ә кәрәзле телефоннан – «103»  (түләүсез). Әгәр шалтыратып булмый икән, тормышка куркыныч  янаган хәлләрдә «112» номеры буенча шалтыратырга мөмкин. Чукрак-телсез кешеләр SMS-хәбәрләр җибәрәләр. Авыру яисә зыян күргән кеше янына ашыгыч ярдәм бригадаларын  тиз итеп җибәрү өчен һәм үз вакытында медицина  ярдәмен  күрсәтү өчен чакыручы «03» номерында эшләүче фельдшер (диспетчер) биргән бөтен сорауларга аңлаешлы һәм төгәл итеп җавап бирергә тиеш.

Каты авыручы балаларга ярдәм күрсәтү буенча хезмәттәшлек турында Татарстан Республикасы Сәламәтлек саклау министрлыгының Юалалар республика клиник хастаханәсе һәм «Тормыш сызыгы» хәйрия фонды арасында килешү төзелде. Татарстанда фонд эшләячәк проектлар турында Татарстан Республикасы сәламәтлек саклау министры Адел Юныс улы Вафин, фондның башкарма директоры Елена Николай кызы Жиркова һәм БРКХ баш табибы  Рафаэль Фирнаял улы Шәвәлиев фикер алыштылар.

Адел Вафин эш визиты белән Лениногорск ҮРХнә килеп китте.Ул реанимация бүлеге белән 30 койкага беренчел кан тамырлары үзәгенең булачак ачылуы буенча эшләрнең барышы белән танышты. Хәзерге вакытта бөтен төзелеш-бизәкләү эшләр үтәлгән, медицина җиһазлары һәм мебель белән комплектлаштыру тәмамлана. Белгечләр компьютер томографын эксплуатациягә кертү буенча җибәрү-көйләү эшләрен алып баралар. Лениногорск ҮРХнең беренчел кан тамырлары үзәге беренче пациентларны шушы елның сентябрендә инде кабул итәчәк. Бу халык өчен югары технологияле махсуслаштырылган медицина ярдәмен үз вакытында күрсәтүне һәм ала алыргыгын арттырырга рөхсәт итәчәк. Шулай ук Адел Вафин медицина хезмәткәрләре коллективы белән очрашты һәм ТР медицина берләшмәсендә һөнәри мөнәсәбәтләрнең корпоратив мәдәният мәсьәләләре турында фикер алышты.

Бүген Татарстан Республикасы Министрлар кабинетында Татарстан Республикасы Премьер-министр урынбасары, соцхезмәтләр җыелышы белән гражданнарның аерым категорияләрен тәэмин итү буенча халык арасында аңлату эшен оештыру буенча эш төркеменең рәисе В.Г.Шайхразиев  рәислегендә  видеоконференция тәртибендә «2017 елда соцхезмәтләр җыелышы белән гражданнарның льготалы категорияләрен тәэмин итү буенча чараларны оештыру һәм уздыру» темасы буенча республика киңәшмәсе булды.

In Health Ministry of  RT the Agreement on intentions to promote project realization «Preventive maintenance non-infectiuos diseases on workplaces» is signed.