ЯҢАЛЫКЛАР
Бүген Казанда табиблар-ортопедлар һәм травматологлар өчен AMTEC KAZAN Югары медицина технологияләренең белем бирү үзәге белән хезмәттәшлектә Татарстан Республикасы Сәламәтлек саклау министрлыгы белән оештырылган «Артромастер» ассоциациясенең I Халыкара белем бирү мәктәбе ачылды. Чара эксперт лекциярәре форматында Белем бирү үзәгенең лабораториясендә осталыкларны гамәли эшкәртеп җиткерү белән уза.
Эш визиты барышында Чечен Республикасы сәламәтлек саклау министры урынбасары Ваил Адамов һәм Чечен Республикасы сәламәтлек саклау министры ярдәмчесе Хасан Сайдаев шушы көннәрдә кан тамырлары һәм телемедицина үзәкләренең, онкология диспансерларының һәм башка юнәлешләрнең эшләрен оештыру көнүзәк мәсьәләләре буенча Татарстан Республикасы Сәламәтлек саклау министрлыгының эш тәҗрибәсен өйрәнәләр.
Бүген Казанның Идел буе районының 88нче номерлы урта гомуми белем бирү мәктәбендә сәламәтлек яшәү рәвешне пропагандалау буенча «Сәламәтлек мәктәбе» дигән масштаблы акция узды. Мәктәп укучыларына кунакка сәламәтлек саклау һәм мәгариф белгечләре, Казан шәһәр Думасы депутатлары килделәр. Алар сәламәт яшәү рәвешен саклау мөһимлеге турында укучыларга сөйләү өчен үз торышлыкларын, тәҗрибәне һәм белемнәрне берләштерделәр.
Бүген Казан дәүләт медицина академиясендә Ашыгыч медицина ярдәме табиблары очен мәктәп узды. Чарада Татарстан Республикасы шәһәрләреннән һәм районнарыннан ашыгыч медицина ярдәменең 90 табибы һәм фельдшеры, шулай ук Һәлакәтләр медицинасы үзәгенең табиблары һәм фельдшерлары катнашты.
Казанда 2017елның 13–15 апрелендә Бөтенроссия фәнни-гамәли «Офтальмологиядә яңа технологияләр - 2017» дигән конференция узачак. Булачак конференция дүрт әһәмиятле вакыйгага туры китерелгән: Казан офтальмология хастаханәсен оештыру көненнән 95-еллыгына, КДМУ офтальмология кафедрасының 150-еллыгына, Казан Офтальмологлар җәмгыятен оештыру көненнән 110-еллык юбилеена һәм КДМА офтальмология кафедрасының 95-еллыгына.
Казанда БРКХнең хастаханә клоуннары турында китап бастырып чыгарылды. Аның авторы – Казанның хастаханә клоунларының координаторы Екатерина Гурьева. «Җитди турында шаянып» исемле китап аның персонажы Фрося исеменнән язылган. Автор хастаханә клоуннары, хастаханә пациентлары турында, һәм дәвалау вакытында уңай кәеф сакларга нигә шундый мөһимле турында сөйли. Һәр бүлекнең ахырында ата-аналар балалары белән чишә ала торган иҗади биремнәр бар.
Республика клиник онкология диспансерына Чечен Республикасы делегатлары килеп киттеләр. Делегация составында Чечен Республикасы сәламәтлек саклау министры урынбасары Ваил Адамов һәм Чечен Республикасы сәламәтлек саклау министры ярдәмчесе Хасан Сайдаев килделәр. Кунаклар РКОДның 2нче дәвалау-диагнастик корпусына килеп киттеләр, диагнастик һәм дәвалау бүлекләренең эше белән таныштылар, шулай ук ТР ССМ РКОДның Атом-төш медицинасы үзәген карап чыктылар.
Өзлексез белем бирү һәм гамәли белемнәрне камилләштерү чикләрендә кичә 7нче номерлы ШКХдә кышкы спорт төрләренең травматологиясе һәм спорт медицинасы буенча бөтендөнья оешмасының (SITEMSH) Президенты Алеша Видальнең лекциясе булды.
Балык Бистәсе районында «Минем сәламәтлегем минем кулымда!» дигән акция узды. Балык Бистәсе үзәк район хастаханәсенең табиблары йөрәк-кан тамырлары авыруларын профилактикалау һәм диспансерлаштыруны узуның мөһимлеге турында сөйләделәр. Үзеңнең артериаль кан басымыңны ничек тикшерү, шулай ук үзеңне тикшерү дәфтәрен ничек алып бару турында фельдшерлар аңлаттылар. Акция ахырында физкультура һәм йөзү күнегүләре узды. Акциядә педагоглар, икътисадчылар, оффис хезмәткәрләре катнаштылар.
ТР Сәламәтлек саклау министрлыгының Республика клиник хастаханәсе микрохирургия бүлегенең табиблары-белгечләре кул чугын һәм аның функцияләрен төзәтү буенча, шуның белән аның эшкә сәләтлелеген саклап, уникаль операция уздырдылар. РКХнең 2нче номерлы травматология бүлегенең табиблары-микрохирурглары – Алексей Богов һәм Марат Фәртдинов Кукмара районында торучыга кул чугының авыр травмасыннан соң бөтенләй киселгән кулын саклап калдырдылар.