ЯҢАЛЫКЛАР

ТР сәламәтлек саклау министры боерыгы белән «Яңа Чишмә үзәк район хастаханәсе» ДАССОның баш табибы вазыйфасына Рафис Салихҗан улы Вафин билгеләнде.

ТР ССМ Республика клиник хастаханәсенең Республика фәнни-гамәли травма үзәге хезмәткәрләренең коллективы белән «Балаларда бот сөяген диафизар сындыруны тышкы беркетү аппаратларын куллану белән дәвалау» дигән басма чыгарылды. Китап авторлары – баш гыйльми хезмәткәр, м.ф.д. А.П.Скворцов, гыйльми хезмәткәр, м.ф.к. И.В.Яшина һәм балалар травматологиясе һәм ортопедиясе бүлеге мөдире, м.ф.к. П.С.Андреев.

Узган атна белән чагышырганда Түбән Камада КРВЙ белән авыручылар саны 6%ка кимеде. КРВЙ 1537 кешедә теркәлде, аларның 887 –  бала.

Татарстан Республикасы Сәламәтлек саклау министрлыгында Татарстан Республикасы Президенты Р.Н.Миңнехановның Татарстан Республикасыннан Россия Федерациясе әгъзалары һәм Федераль җыелышның Дәүләт думасы депутатлары белән очрашу беркетмәсен (05.11.2016 булган) башкару максатыннан, Татарстан икътисадына федераль акчаларын китерү мәсьәләсе буенча эш төркеменең утырышы булды.

Онкологик авыруларның профилактикасы буенча өлкән буынының кешеләре белән эшләү өчен дини конфессияләр вәкилләре тартылачаклар.

4 февральдән башлап 10на кадәр Татарстанда гадәттәге масштаблы һөнәргә юнәлеш бирүче чара – «Ак халатлы фәрештәләр – Ангелы в белых халатах» дигән Медицина фестивале уза. Фестиваль чикләрендә факультетларны тәкъдим итү, дәвалау оешмалары, КДМУ музейлары буенча экскурсияләр,  күнегүләр, конкурслар, психологик тестлаулар уздырылалар.

2017 елның 30 гыйнварыннан башлап 5 февраленә кадәр Казанның Ашыгыч медицина ярдәме станциясенә 8480 чакыру керде.  Җәмәгать урыннарына 987чакыру керде. Чакыруларның иң зур саны – 6814– төрле авыруларга, шул санда 206 инсультка һәм 45 инфаркта туры килде. Бала табуларга ашыгыч медицина табиблары 100 тапкыр чыктылар.

Якшәмбе көнне, көндез, Лаеш районында, Казан– Оренбург а/ю 47нче км ЮТҺ булды. Җиңел автомобиль һәм микроавтобус бәрелешү нәтиҗәсендә 7 кеше зыян курде, шул санда 2 бала (2011 һәм 2015 елда туган). Бер бала авыр хәлдә, икенчесе уртача авыр хәлдә БРКХнә китерелде, 3 кеше авыр хәлдә һәм бер кеше уртача авыр хәлдә РКХнә китерелде, бер зыян күргән хатын-кыз кәнәгатьләнерлек хәлдә амбулатор дәвалауга җибәрелде.

«Ак халатлы фәрештәләр – Ангелы в белых халатах» дигән Медицина фестивале чикләрендә Югары медицина тегнологияләренең белем бирү үзәгендә Татарстан Республикасы сәламәтлек саклау министры Адел Вафинның чыгарылыш курсларының студентлары, 2нче ел укуның интерннары һәм ординаторлары белән очрашуы булды. Очрашу барышында ведомство башлыгы бүген сәламәтлек саклау ничек яши һәм тармакта нинди үзгәрешләр көтелә булачак коллегаларга сөйләде.

6 февральдә Татмедиада бу датага туры китерелгән пресс-конференция узачак. Пресс-конференциядә ТР сәламәтлек саклау министры Адел Вафин, ТР ССМ Республика клиник онкология диспансеры баш табибы Илдар Хәйруллин, профессор, ТР һәм ИФО баш онкологы, КДМА директоры Рөстәм Хәсәнов катнашачаклар.