ЯҢАЛЫКЛАР

2016 елның 12 маеннан башлап Казанда «Ак Барс» Кара-каршы көрәш сараенда өлкәннәр арасында Спорт һәм сугыш самболары буенча Европа чемпионаты уза. 31 илдән 255 спортчы катнаша. Ярышларны медицина тәэмин итү «РМПҮ» ДАССОның хезмәткәрләреннән оештырылган 5 мобиль бригадасы һәм Казанның ашыгыч медицина ярдәме бригадасы көчләре белән уздырыла.

Бүген «ТР ССМ РКХ» ДАССОна  Севастополь шәһ. Сәламәтлек саклау департаментының делегациясе килеп китте. Делегация составында килделәр: Севастополь шәһ. Сәламәтлек саклау департаментының директоры урынбасары Боенко Е.А., «5нче номерлы Шәһәр хастаханәсе –  Ана һәм бала сәламәтлекләрен саклау үзәге» СДБССОның баш табибы Мармута О.А. һәм  Севастополь шәһ. Төзелеш департаменты башлыгының урынбасары Никифоров К.Б.

РКДҮнең  кан тамырлары хирурглары сирәк һәм аз тикшерелгән авыру – специфик булмаган аортоартериит белән пациенткага шунтлау операциясен Россиядә беренче булып уңышлы ясадылар.

Бүген Кукмара поселогында Арча, Әтнә, Саба, Балтач һәм и Кукмара районнары катнашуында Медицина хезмәткәрләренең «Сәламәтлек-2016» спартакиадасы узды. Медиклар түбәндәге спорт төрләре буенча ярыштылар: җиңел атлетика, волейбол, өстәл теннисы, бадминтон, канат тарту, шахматлар буенча. Ярышлар нәтиҗәсе буенча 1 урынны «Кукмара РҮХ» ДАССОның командасы алды, 2 урынны – «Балтач РҮХ» ДАССОның командасы, 3 урынны – «Саба РҮХ» ДАССОның командасы. Беренче урын алган «Кукмара РҮХ» ДАССОның командасы күчмә истәлек кубкы һәм мактау грамотасы белән бүләкләнде. 2нче һәм 3нче урын алган командалар грамоталар белән, җиңүче командаларда катнашучылар грамоталар, медальләр һәм акча белән бүләкләнделәр.

2016 елның 13 маенда Казан дәүләт медицина университетының Актлар көне чикләрендә Казанның төп сәүдә үзәкләрендә «Кан басымыңны бел» дигән акция узачак.

2016 елның I  кварталы нәтиҗәләре буенча гражданнарның аерым категорияләрен социаль хезмәтләр җыелмасы белән тәэмин итү буенча чараларны оештыру һәм уздыру мәсьәләләре буенча Республика киңәшмәсе Министрлар кабинетында узды. Киңәшмә видеоконференция тәртибендә узды.

Көньяк Уралда Зилим елгасы буенча Бөек Ватан сугышында Җиңүгә багышларга карар кабул иткән спорт походы тәмамланды. Узган елгы да кебек төркем Медсанчастнең төрле бүлекләре һәм хезмәтләре вәкилләреннән оештырылды, ләкин бу юлы катнашучылар саны практикачыл ике тапкыр артты.

«Татнефть» ААҖнең спорт комплексында Әлмәт, Яр Чаллы, Түбән Кама, Бөгелмә, Яшел Үзән шәһәрләре катнашуында бадминтон, волейбол, җиңел атлетика, өстәл теннисы, шахматлар һәм канатны тарту буенча Татарстан Республикасы сәламәтлек саклауның хезмәткәрләре Спартакиадасының сайлап алу өчен үткәрелгән  зона ярышлары булды.  

Бүген ТР Сәламәтлек саклау министрлыгының Республика клиник хастаханәсенә Үзбәкстан Республикасыннан (Ташкент шәһ.) травматологлар-ортопедлар һәм вертеброневрологлар килеп киттеләр. Делегация составында Казан шәһ. 13–14 майда узачак  «Артрозларны дәвалау. Буынны алмаштырудан башка бөтенесе» дигән Дисциплинарара фәнни-гамәли конференциянең катнашучылары килделәр: Мусаев Р.С., Кочкартаев С.С. һәм Умаров Ф.Х. Кунаклар республика клиникасының, аерым алганда, республика фәнни-гамәли травма үзәгенең эшчәнлеге белән танышырга килделәр.

9 майда Бөек Җиңүнең 71-еллыгында сугыш геройларына мемориал Бөгелмәдә ачтылар. Бөгелмә эвакогоспиталендә җәрәхәтләрдән үлгән Совет армиясенең гаскәрләренә һәм командирларына багышланган яңа һәйкәл янына чәчәкләр салудан  «Буыннар маршы» дигән митинг-парад башланды