Табиб-психотерапевт лицей – инженерлык үзәге укучыларына стресс турында сөйләде

2025 елның 30 гыйнвары, пәнҗешәмбе

Лицей - инженерлык үзәгендә "Стресс, сәбәпләр, нәтиҗәләр, үз-үзеңә ярдәм" темасына лекция булды. Республика җәмәгать сәламәтлеге һәм медицина профилактикасы үзәге табиб-психотерапевты Гөлфия Баянова 8 класс укучыларына эмоциональ киеренкелекне ничек җиңәргә кирәклеге турында сөйләде.

Белгеч стрессның ничек чагылуын һәм ни өчен үзеңнең эмоциональ халәтең белән идарә итәргә өйрәнүнең мөһимлеген җентекләп аңлатты. Гөлфия Баянова уңышлы укыту өчен эмоциональ-психологик тотрыклылыкның никадәр мөһим булуына басым ясады. Ул медитация һәм сулыш алу техникасы кебек стресс дәрәҗәсен киметергә ярдәм итүче гади һәм нәтиҗәле релаксация ысулларын күрсәтте.