Казанда VIII Идел буе неврология форумы уза
25-26 апрельдә Казан Ратушасында ел саен үткәрелә торган «Клиник неврология казанышлары» VIII Идел буе неврология форумы уза.
Быел Идел буе неврология форумында хәрәкәт тайпылышларын иртә диагностикалау, неврология практикасында психик тайпылышларның үзенчәлекләре һәм гомумтабиблык практикасында хроник авырту синдромнары мәсьәләләренә кагылачаклар, шулай ук гериатрия неврологиясенең актуаль аспектлары һәм тикшеренүнең генетик, нейровизуаль һәм нейрофизиологик методларының киң мөмкинлекләре турында фикер алышачаклар.
Нотыклар белән Мәскәү, Түбән Новгород, Уфа, Хабаровск, Кемерово, Новокузнецк, Санкт-Петербург, Казан һәм башка шәһәрләрнең эре фәнни-тикшеренү институтлары һәм клиникалары спикерлары чыгыш ясаячак.
Форумда катнашучыларны сәламләп, ТР сәламәтлек саклау министры урынбасары Фәридә Яркаева: "Сәламәтлек саклау алдында гражданнарның гомер озынлыгын озайту бурычы тора, һәм актив озын гомер мөмкинлеге бурычы куела. Нәкъ менә неврологик тематика өстенлек итә. Чөнки барлык яшьтәге ассоциатив авырулар беренче чиратта неврологик симптомнар белән бәйле. Бу аермачык. Шуңа күрә нәтиҗә безнең пациентларга ничек ярдәм итә алуыгызга бәйле".
.jpg)