Кукмара район үзәк хастаханәсенең кардиология бүлегендә капиталь ремонт төгәлләнде
Масштаблы ремонт Татарстан Республикасы Рәисе Рөстәм Миңнеханов инициативасы белән Татарстан медицина учреждениеләре стационарларын капиталь ремонтлау республика программасы ярдәмендә башкарылды.
Нәрсә эшләнде?
* Бик зур демонтаж һәм монтаж эшләре башкарылды.
* Бүлекнең барлык палаталары һәм бүлмәләре тулысынча яңартылган, пациентларны савыктыру өчен максималь уңайлы шартлар тудырылган.
* Электр, су, җылылык һәм канализация кебек барлык инженерлык системалары алыштырылды.
* Яңа тәрәзәләр, ишекләр, барлык сантехника, заманча вентиляция, яктырту һәм янгын сигнализациясе системалары урнаштырылган.
* Куркынычсызлыкны тәэмин итү өчен бүлек террорчылыкка каршы куркынычсызлык таләпләре нигезендә видеокүзәтү камералары белән җиһазландырылган.
* Барлык процедура кабинетлары, палаталар һәм эш урыннары СанПиН таләпләренә туры китерелгән.
* Кирәкле барлык яңа җиһазлар, шулай ук хәзерге заман медицина җиһазлары һәм техникасы сатып алынган, бу хезмәткәрләрнең эш нәтиҗәлелеген һәм ярдәм күрсәтү сыйфатын сизелерлек арттырачак.