Республика балалар клиник хастаханәсенең кан тамыры хирурглары фигуралы шуучыга зур спортка кайтырга ярдәм иткән

2025 елның 5 декабре, җомга

2019 елның җәе. Гадәттәге күнегүләр көнендә Биектау районының Боз сараенда яшь фигуралы шуучы  Эвелина Вәлиеваның язмышын мәңгегә сызып ташларга мөмкин булган фаҗига була.

Кан тамырлары хирургы Дмитрий Осипов җитәкчелегендәге Республика балалар клиник хастаханәсе табиблары тырышлыгы белән ул аягын саклап кала һәм ә зур спортка да кайта ала.

2019 елның 9 июлендә Биектау район хастаханәсенең кабул итү бүлмәсенә 9 яшьлек фигуралы шуучы Эвелина кабул ителде. Күнегүләр ясаганда, фигуралы шуу элементын үтәгәндә фаҗигале очрак килеп чыга, башка спортчының тимераяк лезвие аның сул ботының эчке өслегенә туры килә.

Яра бик куркыныч булып чыга: ботның өске артериясе – аякны туендыручы төп кан тамыры тулысынча киселә. Бот кан тамыры 90% ка киселгән, мускуллар, тукымалар, нерв зарарланган. Кыз геморрагик шок хәлендә була.

Реанимациягә ул аңсыз диярлек китерелгән. Табиблар плазманы күчереп сала башлаганнар, һәм яраны караган вакытта бәйләвечне салдырганда зур артериаль кан китү барлыкка килгә. Тыгыз тампон салганнан соң табиблар Республика балалар клиник хастаханәсеннән кан тамырлары хирургы – Дмитрий Осиповны ярдәмгә чакырганнар.

Дмитрий Владиславович хастаханәгә килә һәм шунда ук операцияне кичекмәстән ясарга кирәклеген аңлый, югыйсә бу очракта үлем яки аягын ампутацияләү ихтималы була. Әмма зыян күләме шулкадәр җитди булган ки, район хастаханәсе шартларында тыкшыну куркынычсыз булган. Команда оператив рәвештә кызны Республика балалар клиник хастаханәсенә алып бару турында карар кабул итә.

Республика балалар клиникасында операция вакытында хәл көтелгәннән дә драматик булып чыга. Яраны ачуга көчле кан агу башлана. Артерия тулысынча кисешкән. Кан тамырларын мобилизацияләп, Дмитрий Владиславович белгечләр командасы белән иң катлаулы этапка – артерия һәм венаның бөтенлеген торгызуга керешә. Тормышны саклап калуда анестезиологлар аерым роль уйный – һәм җайга салынган эш кызның хәлен тотрыкландырырга һәм операцияне куркынычсыз үткәрүне тәэмин итәргә мөмкинлек бирә.

Эвелина хастаханәдә нибары ун көн уздырган – мондый масштабтагы җәрәхәтләр өчен бик аз. Спортка кайтырга курку барлыкка килде, әмма хастаханәдән чыккан  көнне Дмитрий Владиславович аңардан телевизор экраныннан сәлам тапшыру турында вәгъдә алды, бу аңа үз куркуын җиңәргә һәм күнегүләргә кайтырга стимул бирде.

6 елдан соң Эвелинаның әнисе Дмитрий Осиповка яза: "Беренче каналны кабызыгыз". Эфирда шул ук сәлам яңгырады – инде бозда бию буенча юниорлар арасында «Гран-при» да чыгыш ясаучы үскән спортчы кыздан.

Бүген Эвелина спорт мастерына кандидат булып тора, күнегүләр ясавын, катлаулы элементлар куюын һәм спорт үрләренә баруын дәвам итә. Ә аның гаиләсендә тагын бер үзенчәлекле бәйрәм барлыкка килде: хәзер алар икенче туган көнен – 9 июльне, кызны коткарган көнне билгеләп үтәләр.

Табиб сүзләренчә, мондый җәрәхәт аның тормышына куркыныч тудырган иде. Ләкин барысы да уңышлы узды: иртә килү, беренчел медикларның грамоталы гамәлләре, хирургның вакытында тыкшынуы һәм төгәл операция аның аяк-кулларын һәм, әлбәттә, гомерен саклап калды.

Мондый җәрәхәтләр хәтта кан тамырлары хирургларында да бик сирәк очрый: ботның берьюлы ике магистраль кан тамырлары кисешүе – уникаль диярлек хәл. Дмитрий Владиславович болай ди: "Мондый җәрәхәтләрдән соң очлыкларның хәрәкәт функцияләрен еш торгызып булмый, ә Эвелина спортта шундый биеклеккә ирешә һәм чемпионлык өчен көрәшә. Аңа яңа спорт биеклекләренә ирешүдә уңышлар телим!».