2025 елда Татарстан Республикасында диспансерлаштыру турында матбугат конференциясе
Катнашалар:
- Елена Хафизова, Татарстан Сәламәтлек саклау министрлыгының профилактик ярдәм һәм сәламәтлек төзү бүлеге башлыгы;
- Фирая Сабирова, Татарстан Сәламәтлек саклау министрлыгының репродуктив сәламәтлек буенча баш штаттан тыш белгече;
- Люция Фейсханова, Татарстан Сәламәтлек саклау министрлыгының медицина профилактикасы буенча штаттан тыш баш белгече.
Быел Татарстанда 1,45 миллионнан артык кеше диспансеризация узган. Бу хакта бүген «Татар-информ» матбугат конференциясендә Татарстан Сәламәтлек саклау министрлыгының профилактик ярдәм һәм сәламәтлек төзү бүлеге башлыгы Елена Хафизова сөйләде.
«Диспансеризация 18 яшьтән 39 яшькә кадәрге кешеләр өчен өч елга бер тапкыр һәм 40 яшьтән өлкәнрәкләр өчен елга бер тапкыр үткәрелә», — дип сөйләде Елена Хафизова.
Диспансеризация узган 100 мең кешедә авырулар ачыкланган. 32 мең кешедә кан әйләнеше системасы авырулары ачыкланган – бу авырулар ачыклану ешлыгы буенча беренче урында.
Диспансеризация вакытында кешегә яшенә һәм җенесенә карап кирәк булган барлык тикшеренүләр үткәрелә, дип өстәде Татарстан Сәламәтлек саклау министрлыгының медицина профилактикасы буенча штаттан тыш баш белгече Люция Фейсханова.
"Патологияләрне ачыклаганда диспансерлаштыруның беренче этабы нәтиҗәләре буенча пациентны икенче этапка җибәрәләр, анда тирәнрәк тикшерүләр үткәрелә", - дип сөйләде ул.