Депрессия – ул сагыш кына түгел. Һәркемгә нәрсә белергә кирәк?
Бу хакта Алабуга район үзәк хастаханәсенең медицина психологы Анастасия Ракова сөйләде:
"Бүген без мөһим һәм, кызганычка каршы, еш кына стигматизацияләнгән темага – депрессия турында сөйләшергә телибез.
Безнең җәмгыятьтә бу хәл турындагы мифлар әлегә кадәр көчле. Әйдәгез аларның берничәсен тикшерик, чөнки хәбәрдарлык – үзеңә һәм якыннарыңа ярдәм итүгә беренче адым.
Миф 1: "Депрессия – ул авыру түгел, ә начар кәеф һәм ялкаулык".
Факт: Депрессия – баш миенең биохимиясе үзгәрү белән бәйле реаль медицина авыруы. Аны гипертония яки диабет кебек үк дәваларга кирәк. Депрессия вакытында "үзеңне кулга алу" ихтыяр көче белән температураны төшерү кебек үк мөмкин түгел.
МИФ 2: "Бары тик түзәргә, ял итәргә (ялга барып кайтырга) кирәк, һәм барысы да үзеннән-үзе үтәчәк" яки "Әгәр кәеф начар икән, эчәргә кирәк һәм барысы да үтәчәк"
Факт: Депрессия ул арыганлык түгел. Ял итү һәм шартларны үзгәртү, һичшиксез, файдалы, әмма алар авыруны дәваламый.
МИФ 3: "Әгәр кешедә депрессия булса, ул гел елый һәм караватыннан тормый".
Факт: Депрессия күп йөзле. Кеше эшкә йөри һәм елмая ала, ләкин эчтән бушлык сизә.
Миф 4: "белгечкә мөрәҗәгать итү оят. Мин үзем булдырачакмын / бу йомшаклык".
Факт: "Барысы да алай ук начар түгел, мин арыдым" яки "башкаларга тагын да начаррак, мин үзем җиңәргә тиеш" - еш кына бу сезнең газапларыгызны бәясен төшерә торган депрессиянең үз тавышы. Ярдәм сорап мөрәҗәгать итү - батырлык һәм үзең турында кайгырту акты. Озакка сузылган рухи авырту белән медицина психологына, табиб-психотерапевтка яки табиб-психиатрга мөрәҗәгать итәргә кирәк.
Ни өчен бу мөһим?
Депрессия психотерапия, кирәк булганда - хәзерге заман һәм куркынычсыз препаратлар белән уңышлы дәвалана. Иң мөһиме – авыру белән берүзең генә калмау һәм "үзе узар"дип көтмәү.
Әгәр сез яки сезнең якыныгыз инде озак вакыт апатия, көчсезлек, борчылу яки аңлашылмаган физик уңайсызлык сизәсез икән - бу сигнал булырга мөмкин.
Ярдәм сорарга курыкмагыз. Сезнең рухи сәламәтлегегез физик сәламәтлегегез кебек үк мөһим.
Сез мөрәҗәгать итә аласыз:
Безнең поликлиникадагы участок терапевтына, ул тыңлар һәм кирәкле белгечкә җибәрер.
Табиб-психиатрга (регистратурада алдан язылу буенча консультация).
Бөтенроссия тәүлек буе эшләүче психологик ярдәм телефонына шалтыратып: 8-800-2000-122.