Яр Чаллы табибларының Россия кардиология җәмгыятенең XIII яшь кардиологлар форумында катнашуы
«Йөрәк-кан тамырлары авырулары һәм глобаль сәламәтлек» Россия кардиология җәмгыятенең яшь кардиологларының XIII форумы халыкара катнашу белән 2026 елның 29-30 маенда Уфада уза. Бу кардиология өлкәсендә елның иң мөһим фәнни вакыйгаларының берсе, анда әйдәүче белгечләр, яшь галимнәр, клиницистлар җыела.
Мондый форумда катнашу – резюмедагы юл гына түгел, ул профессиональ дәрәҗәне тану. Докладлар катгый сайлап алына һәм бары тик чыннан да актуаль, фәнни нигезләнгән һәм гамәли кыйммәткә ия булганнары гына рөхсәт ителә.
Быел чакырылган докладчылар арасында "Л.Н. Ганиева ис. 4 нче шәһәр поликлиникасы" ДАССУның диагностика бүлеге мөдире, табиб-кардиолог Андреев Михаил Андреевич та бар иде. Онлайн ул «Кардиоген шок менеджментында ультратавыш диагностикасы» темасына доклад белән чыгыш ясады. Форумда шулай ук Яр Чаллыдан докладлар белән «Р.С. Акчурин ис. Ашыгыч медицина ярдәме хастаханәсе» ТР ДАССУ табиблары - диагностика һәм дәвалауның рентгенохирургия ысуллары бүлеге мөдире Заһидуллин Булат Искәндәр улы һәм баш анестезиолог-реаниматолог Марков Юрий Николаевич катнашты..
Михаил Андреевичның доклады кардиоген шок вакытында ультратавыш куллануның гамәли алгоритмнарына багышланган иде.
Мондый форумда доклад белән катнашу - димәк, 4 нче поликлиника белгечләренең әзерлек дәрәҗәсе бөтенроссия һәм халыкара дәрәҗәгә туры килә, табиб уртаклашкан яңа белемнәрне бөтен илдән килгән коллегалар күрәчәк һәм безнең поликлиника пациентлары замана стандартлары буенча ярдәм ала дигән сүз.
Табиб-кардиологны яшь кардиологлар форумында лаеклы чыгыш ясавы белән котлыйбыз. Мондый белгечләрнең 4 поликлиникада эшләве белән горурланабыз. Яңа фәнни уңышлар, нәтиҗәләрне гамәлгә кертү һәм, әлбәттә, пациентларыбызның сәламәт йөрәкле булуларын телибез.