Наркоманияне профилактикалау: Мамадышның «Кайгырту» үзәгендә лекция үткәрелде
Наркотиклар куллануны профилактикалау атналыгы кысаларында «Мамадыш район үзәк хастаханәсе» ДАССУ хезмәткәрләре – табиб-нарколог Михаил Мусин һәм профилактика кабинетының шәфкать туташы Любовь Ибраһимова «Кайгырту» халыкка социаль хезмәт күрсәтүнең комплекслы үзәге ДАСХУда булдылар.
Михаил Рөстәм улы ял итүчеләр өчен үзәктә «Бәйлелектән интегүче якын кешегә ничек ярдәм итәргә» дигән темага лекция үткәрде. Табиб наркотиклар кулланучы кешеләрнең бәйлелек билгеләрен, үз-үзен тотышындагы һәм тышкы кыяфәтендәге үзгәрешләрне җентекләп тикшерде, шулай ук хәвефле сигналлар табылганда ничек эш итәргә кирәклеге турында ата-аналарга һәм туганнарга төгәл киңәшләр бирде.
Ул якыннарыннан берәрсе бәйлелектән интеккән очракта гаилә мөнәсәбәтләрен төзү кагыйдәләренә аерым игътибар бирде.
"Наркомания – авыруның гына түгел, аның якыннарының да психикасын, үз-үзен тотышын һәм сәламәтлеген җимерә торган авыр хроник чир ул", - дип ассызыклады Михаил Рөстәм улы.
Любовь Ибраһимова ял итүчеләр белән диспансерлаштыруның һәм даими рәвештә профилактик тикшерүләрнең мөһимлеге турында кыскача әңгәмә үткәрде, шулай ук үзәкнең медицина хезмәткәренә профилактика эше өчен наркотикларның зыяны һәм сәламәт яшәү рәвешен пропагандалау турында күрсәтмә материаллар – плакатлар һәм буклетлар тапшырды.