«Татарстан шифаханәләре» ассоциациясе: «Васильевский» шифаханәсендә сакчыл технологияләр буенча тренинг зур уңыш белән узды
«Васильевский» шифаханәсендә «Татарстан шифаханәләре» ассоциациясе әгъзалары өчен ябык тренинг узды. Чара санаторий җитәкчеләрен, хуҗалык хезмәтләре мөдирләрен, өлкән хезмәтчеләрне һәм клининг белгечләрен берләштерде һәм номерлы фондны җыештыру процессына сакчыл технологияләр кертүгә багышланды.
Тренинг программасына «Хезмәт җитештерүчәнлеге» милли проекты кысаларында 2025-2026 еллар трендларына күзәтү, кейсларны презентацияләү һәм тикшерү, «Башкача җыештыру» мастер‑классы, конкрет шифаханәләрдә җыештыруны оптимальләштерү буенча фикер штурмы, шулай ук катнашучыларның сорауларына җаваплар белән дискуссия кертелгән иде.
Катнашучыларга сәламләү сүзләре белән «Татарстан шифаханәләре» РАСКУ идарәсе рәисе Евгений Павлович Терентьев , шулай ук «Васильевский» шифаханәсенең баш табибы, Татарстан Республикасының Атказанган табибы Роберт Фаяз улы Муллабаев мөрәҗәгать итте.
Чараның төп спикеры булып чисталык индустриясенең цифрлы платформасына нигез салучы һәм компаниянең генераль директоры Васильева Елена Алексеевна чыгыш ясады. Ул тармак трендларын тәкъдим итте, сакчыл технологияләр кертүнең уңышлы кейсларын тикшерде һәм оптимальләштерүнең гамәли инструментларын ачты.
Сертификацияләнгән бизнес‑тренер һәм 35 еллык стажы булган консультант Кибирева Татьяна Васильевна да үз тәҗрибәсе белән уртаклашты.
Чара динамик һәм нәтиҗәле узды. Катнашучылар спикерларның чыгышларының югары практик кыйммәтен билгеләп үттеләр.