Бүген Халыкара яман шеш авыруы белән авыручы балалар көне

Яман шеш авыруы белән авыручы балалар көнен 15 февральдә ел саен планетаның күп илләре билгеләп үтәләр. Бу дата календарьдә беренче тапкыр Дөньякүләм яман шеш авыруы белән авыручы балаларның ата-аналарының конфедерациясе (ICCCPO) башлап йөрүе буенча 2001 елда барлыкка килде.
Беренче Халыкара көн 15 гыйнварда Люксембургта үткәрелде, әмма соңрак датаны бер айга күчерергә карар кабул ителде . Бүген Яман шеш авыруы белән авыручы балалар көне Халыкара балалар онкологлары җәмгыяте яклавы астында 40тан артык илдә үткәрелә.
Бүгенге акция багышланган проблеманың актуальлеге арта. Медицина статистикасына караганда, ел саен дөньяда якынча 200 мең бала яман шеш белән авырый, аларның яртысы үлә.
Онкология авыруларын уңышлы дәвалауның нигезе булып үз вакытында ясалган диагностика санала. Әгәр авыру беренче яки икенче стадиясендә табылса, дәвалау еш уңай тәмамлана. Әмма яман шеш очракларының унынчы өлеше өченче стадиясендә генә ачыклана, ә балаларның сигез процентында аңа дүртенче стадиясендә генә диагноз куела. Катлаулылык тагын шуннан гыйбарәт: онкология формалары бик күп - якынча 200, һәм авыру теләсә кайсы диярлек әгъзада башлана ала. Балаларны барыннан да ешрак лейкемия, яки кан яман шеше биләп ала.
Бүген барлык битараф булмаган кешеләр көч җитәрлек ярдәм күрсәтә алалар.
Россиядә яман шештән үлүче балалар саны җәрәхәтләрдән үлүчеләр саныннан гына калыша. Ел саен онкология авырулары һәр 100 мең балигъ булмаганнарның 12-15ендә табылалар. Дәвалауның заманча ысуллары авыру балаларның якынча 70 процентын коткарырга рөхсәт итәләр. Һәлак булучыларның күбесе исән калган булыр иде. Аларны акча, донор каны һәм квалификацияле медицина ярдәме җитмәү аркасында коткарып булмый.
Бу факторларны исәпкә алып, Халыкара яман шеш авыруы белән авыручы балалар көненең активистлары, бүген бөтен битараф булмаган кешеләрне көч җитәрлек ярдәм күрсәтергә: кан тапшырырга, тиешле фондларга хәйрияле түләү кертергә өндиләр.