Сак булыгыз, талпаннар!

Талпаннар нәрсә белән куркыныч
Талпаннар авыр вирус авыруларын - талпан энцефалитын һәм талпан иксодлы боррелиозын (Лайм авыруын) таратучы булып торалар, аларның активлыкларының югары ноктасы нәкъ менә майга, июнь башына туры килә.
- Талпан энцефалиты белән авырган вакытта, инкубация чоры, яки йоктыру мизгеленнән  беренче клиник билгеләр барлыкка килүгә кадәрге чор 7 тәүлектән 30 көнгә (уртача  7-14) кадәр вакытны тәшкил итә. Талпан энцефалитының башлануы еш вакытта үткен була, 39-40º С кадәр температура күтәрелү һәм калтырау барлыкка килү белән характерлана. Яктыдан курку, күз алмаларында сызлаулар, йотканда тамак төбе авырту һәм аның кызаруы билгеләнергә мөмкин. Мускул (муен, иңбашлар, аяк-куллар, арканың күкрәк һәм бил өлеше мускуллары) сызлаулары борчый. Авыру үзәк нерв системасы (баш һәм арка мие) зарарлану белән булган авыр формалар барлыкка килү белән куркыныч, бер үк вакытта параличлар һәм югары үлүчәнлек белән үтә.
Әгәр Сезне талпан тешләсә, аны мөмкин кадәр тизрәк алып атарга, аның өчен медицина оешмасына медицина ярдәме артыннан мөрәҗәгать итәргә кирәк.