Чаллыда мәгълүматлаштыру буенча киңәшмә булды

Бүген 25.07.2014 елда автошәһәрдә 4нче шәһәр сырхауханәсе җирлегендә республиканың сәламәтлек саклау министры урынбасары Илдар Фатихов һәм республиканың мәгълүматлаштыру һәм элемтә министры урынбасары Азат Мөбәрәкшин катнашуында «ТР электрон сәламәтлек саклау» дигән Бердәм дәүләт мәгълүматый системасын (ТР ЭСС БДМС) кертү буенча берләшмә киңәшмәсе булды.
Киңәшмәгә Чаллы, Түбән Кама, Әлмәт һәм Алабуганың сәламәтлек саклау оешмаларының баш табиблары һәм мәгълүматлаштыру буенча җаваплы белгечләре чакырылды. ТР ССМ Мәгълүматый һәм инновацион технологияләр бүлеге башлыгы Марат Нурмиев тыңлаучыларга республиканың дәвалау – профилактикалау оешмаларында ТР ЭСС БДМСны кертүнең барышы һәм оешмаларның элемтәнең оптик каналларына кушылулары турында мәгълүматны җиткерде. Медицина эшчеләренең килүләрне БДМСга кертүләре, реестр счётларын төзү һәм беркетелгән халыкның статистикасын күрсәтү турында Владимир Шерпутовский сөйләде.
Киңәшмә барышында августтан башлап максималь амбулатория – сырхауханә оешмаларында килүләрне мәгълүматый системага кертергә дигән карар кабул ителде. Табибларны һәм шәфкать туташларын системалы өйрәтү өчен республикада эш урыннарында медицина персоналын БДМСда эшләргә һәм электрон медицина картасын кертергә аңлаешлы итеп өйрәтүче тьютерлар эшләүләрен дәвам итәләр. Тьютерларны, үз чиратында, ТР ССМның Диспетчер үзәге өйрәтәчәк.