РКХ белгечләре хатын-кызның репродуктив әгъзасын саклап калырга мөмкинлек бирә торган яңа шейвер технологиясе ярдәмендә берничә операция ясадылар

Үзенчәлекле, ә кайвакыт авыр һәм фаталь өзлегүләр булу гистероскопия вакытында кулланылучы технологияләрне камилләштерергә мәҗбүр итә. Операция ясауның шундый яңа ысулларының берсе булып шейвер технологиясе тора (аның исеме шулай ук аналык эче морцелляциясе, һәм шулай ук салкын пычак технологиясе). 2014 елның июнь-июлендә ТР ССМ РКХ гинекология бүлегендә K.Storz җитештергән аналык эче морцелляторы (шейверы) ярдәмендә операцияләр сериясе ясалды. Бар пациенткалар да оператив тыкшынуларны әйбәт кичерделәр һәм өйләренә  чыгарылдылар.
Операцияләрне ясадылар: м.ф.к, КДМУ 1нче акушерлык һәм гинекология кафедрасы доценты  Ключаров И.В. һәм РКХ гинекология бүлеге табибы Яковлева Р.М. Операция барышында төрле размердагы һәм төрле җирләрдә урнашкан аналык миомаларына һәм полипларына операция ясалды.
Аналык эче шейвере безгә оториноларингологиядән килгән технология нигезендә ясалды. Аның нигезендә хирургик гистероскопның инструменталь каналы аша кертелүче әйләнеп торучы пычак конструкциясе ята.
Традицион хирургия гистероскопиясе һәм гистерорезекциясе белән чагыштырганда шейвер технологиясенең нинди өстенлекләре бар?
Шуңа игътибар итәргә кирәк: шушы технология ярдәмендә ясалган операция вакытында контрольсез (монополяр) ток чыгу аркасында пассив электрод астында барлыкка килүче тән пешүләрне, шулай ук операция вакытында тукымаларның киселгән өлешләре аркасында операция урынының күренүмәвен, аналык муентыгының киселгән кисәкләрне алып ату өчен инструментны берничә тапкыр кертү һәм чыгарудан барлыкка килүче яралануын һәм перфорациясен булдырмый калырга мөмкин.
Нәтиҗәдә без хатын-кызның репродуктив әгъзасын саклап калырга мөмкинлек бирә торган хәвефсез һәм нык җәрәхәтләми торган операция ясау ысулын куллана алабыз.