Дәвалау процедураларыннан соң – китап укырга

КБМҮнең балалар хастаханәсендә бүген тантаналы рәвештә китапханә ачтылар.
Китапханә хастаханәнең иң кеше күп йөри торган бүлеге – физиотерапия бүлегендә урнаштырылды. Монда бөтен бүлекләрдәге пациентларга дәвалау процедуралары үткәрәләр. Массаждан яки уколдан соң китап алырга керергә була. Бәхеткә, китапханә фонды яхшы тупланылган – 1000 китап. Әдәбият иң кечкенә пациентларга да, яшүсмерләргә дә исәпләнгән. Киштәләрнең зур өлешен медицина әдәбияты алып тора. Чөнки китапханә  авырулар өчен генә түгел, аларны  дәвалаучылар – медицина хезмәткәрләре өчен дә ачылды. КБМҮгә сирәк махсуслашкан әдәбиятны Казан шәһ. Республика китапханә-мәгълүмат үзәге бирде. Китапларны шәһәрнең берничә китап кибете һәм шулай ук гади чаллылылар бүләк итте.
Сәламләү сүзе белән кунаклар алдында КБМҮнең педиатрия ярдәме буенча  баш табиб урынбасары  Наталья Наговицына чыгыш ясады. «Һәрбер хастаханә дә чын  китапханәсе булу белән мактана алмый. Ә бездә ул хәзер бар. Безнең максатыбыз – балаларны укуга тарту, аларда сәнгать хәзинәләренә кызыксыну уяту. Балалар хастаханәсе Татарстан Республикасының төньяк-көнчыгыш регионының һәм Яр Чаллы шәһәренең балаларына хезмәт күрсәтә – бу 200 меңнән артык бала», - диде Наталья Наговицына.
КБМҮдә китапханә ачылуга 3 ай  әзерләнделәр. Бу вакыт эчендә фондны саклау өчен махсус җиһаз җитештерделәр. Бу – хастаханәгә Яр Чаллы шәһәренең һәм «Закамье» регионының Шәһәр җиһаз һәм агач эшкәртү сәнәгасы ассоциациясеннән, шулай ук Сәүдә-сәнәга палатасыннан бүләк. Ачылуда ССПның генераль директоры Иван Шигин булды. Ул яңа китапханәдә кешеләрнең һәрвакыт күп булуын теләде.
Ачылуда шулай ук Республика медицина китапханә-мәгълүмат үзәгенең директоры  Юлия Дрешер, Яр Чаллы шәһәренең һәм  кама  арты регионының Шәһәр җиһаз  һәм агач эшкәртү сәнәгасы ассоциациясе вәкилләре, шулай ук матди ярдәм күрсәтүчеләр-китап кибетләре вәкилләре булдылар.
Китапханә белән 20-еллык стажы булган китапханәче Наталья Самохвалова җитәкчелек итәчәк. Ул, бөтен кешегә билгеле булган камаз китапханәсе ябылганчы, анда директор булып эшләде. Һәр укучыны шатланып каршы алачак һәм күңеленә ошаган китапны сайларга ярдәм итәчәк. Планда – фонд туплауны дәвам  итү һәм китапханәне киңәйтү.
Чара аниматорлар катнашуында балалар өчен күңел ачу программасы белән тәмамланды.
Фото poleznayagazeta.ru сайтыннан алынган