ЯҢАЛЫКЛАР
Бүген Татарстан Республикасы Премьер-министрының урынбасары Васил Шайхразиев Республика клиник хастаханәсенең территориясендә яңа перинаталь үзәкне төзү буенча күчмә киңәшмә уздырды. Киңәшмә барышында бу этапта булган бөтен көнүзәк мәсьәләләр турында фикер алышынды. Исегезгә төшерәбез, РКХ территориясендә акушерлык корпусы янында 100 койкалык хәзерге заман перинаталь үзәге төзеләчәк. Яңа үзәкнең ачылуы 2016 елга планлаштырылган.
Казан Медицина көллиятенең җирлегендә «2015 елның урта медицина һәм фармацевтик белемле иң яхшы белгече» дигән Бөтенроссия һөнәри осталык конкурсының Республика этабы уңышлы узды. Конкурста Республикабызның республика, шәһәр һәм район хастаханәләренең медицина хезмәткәрләре катнашты. ТР Сәламәтлек саклау министрлыгының кадрлар бүлегенең башлыгы Ю.А. Кнни, «Казан медицина көллияте» УҺББ ДАББОның директоры З.А. Хисамутдинова һәм ТР ССМның аттестацияләү һәм квалификацияне күтәрү буенча әйдәүче консультанты Т.В. Ванюшина конурсны тантаналы ачтылар һәм конкурсның республика этабының катнашучыларын һәм җиңүчеләрен бүләкләделәр. Конкурс сигез номинация буенча узды, җиңүчеләр инде Россия этабында катнашачаклар.
Бүген Түбән Кама районында ике дәвалау оешмасы ачылды. Смыловка авылында – модульле ФАП, ә Кармалы саласында – табиб амбулаториясе.
Бөтендөнья әйләнә-тирәдәге мохитне саклау көне 1972 елда БМОның Генераль ассамблеясе белән оештырып җибәрелгән һәм шул вакыттан бирле ел саен бөтен дөньяда билгеләнә.
Баулы муниципаль районына эш визиты белән «БИТИ» ДКОның җитәкчесе М.М.Айзатуллин килеп китте. Ул капиталь ремонт дәвам иткән үзәк район хастаханәсен карап чыкты. Баулы муниципаль районының башлыгы Р.Х.Гатиятуллин, башкарма комитетның җитәкчесе С.П.Самонина, баш табиб Г.В.Алексеев, подрядка алынган оешмаларның җитәкчеләре белән эш киңәшмәсе уздырылды.
Бүген «4нче Шәһәр сырхауханәсе «Студенческая» ДАССОда спортның су төрләре буенча XVI Дөнья чемпионаты алдында Казанда 60тан артык табиб катнашкан «Спорт медицинасының көнүзәк мәсьәләләре» дигән республика конференциясе уздырылды. Дөнья чемпионатының медицина һәм санитар-эпидемиологик тәэминәтенең, спортта җәрәхәтләнү һәм реабилитация мәсьәләләре карап тикшерелде, кинезио- һәм иммобилизацион тейплау буенча мастер-класслар уздырылды.