ЯҢАЛЫКЛАР

Искә төшерәбез, «ашыгыч ярдәмгә» шәһәр телефоны белән «03» номерын җыеп шалтратырга кирәк, ә кәрәзле телефоннан – «030» (түләүсез). Әгәр шалтратып булмый икән, тормышка куркыныч янаган хәлләрдә «112» номер буенча шалтратырга мөмкин. Чукрак-телсез кешеләр SMS-хәбәрләр җибәрәләр.

Авырулар яисә зыян күргән кеше янына ашыгыч ярдәм бригадаларны тиз итеп җибәрү өчен һәм үз вакытында медицина ярдәмен күрсәтү өчен чакыручы «03» номерында эшләүче фельдшер (диспетчер) биргән бөтен сорауларга аңлаешлы һәм төгәл итеп җавап бирергә тиеш.

Чакыруның сәбәбен, урынын һәм адресын (шәһәрнең районын, урамын, квартира номерын, катын подъезд номерын һәм кодын), юл билгеләүләрне, авыруның яисә зыян күргән кешенең фамилиясен, исемен, әтисенең исемен хәбәр итәргә кирәк. Фельдшер бирелгән сорауларга тулы җаваплар алгач, ул чакыручыга «Сезнең чакыругыз кабул ителде» дип җавап бирә, кабул итүнең вакытын әйтә һәм адресны кабатлый, шул чакта чакыру кабул ителгән дип санала.

Россия территориясендә Кышкы Олимпия һәм Паралимпия уеннары беренче тапкыр үткәреләләр. Сочи шәһ. 22 Олимпия кышкы уеннарын үткәрү вакыты 7сеннән 23 февральгә кадәр, 11 Паралимпия уеннарын үткәрү вакыты 7сеннән 16 мартка кадәр.
Олимпия уеннарында дөньяның 80 иленнән 5 500 артык спортчы һәм команда әгъзасы катнашачак. Паралимпия уеннарында 44 илдән 1 350 артык спортчы-паралимпияче һәм команда әгъзасы катнашачак.
Уеннарның медицина тәэминәте өчен Россиянең 3 регионыннан: Краснодар краеннан, Мәскәү шәһәреннән һәм Татарстан Республикасыннан медицина эшчеләре тартылачаклар. Татарстан Уеннарга 45 медицина оешмасыннан 222 медицина эшчесен (134 табибны һәм 88 урта медицина персоналын) җибәрә. Аларның 129ы паралимпия уеннарын үткәрү чорына Сочи шәһ. калачак.

2014 елның 13-17 гыйнварында Татарстан Республикасында кан һәм кан компонентларының донорлары саны 1364 кеше тәшкил итте, шул санда беренчел – 443 кеше, кабаттан баручылар – 971 кеше. Күрсәтелгән периодта донациялар саны 1296 литр тәшкил итте, шул санда түләүсез нигездә – 1296 литр.

Пациент М., 21 яшь, 2013 елның 31 октябрендә «12нче Шәһәр клиник хастаханәсе» ААҖнә керде, шул ук көнне көчле аппендицит сәбәбе буенча аңа операция ясалды. Операция тыкшынуы барышында кабырга белән эч арасындагы тышкы артерия җәрәхәтләнелде. Пациентка кабаттан кан тамырында операцияләр ясалды. Ләкин кан югалту белән бәйле киң үсеш алган өзлегү җирлегендә, ул 2013 елның 3 ноябрендә үлде.

Хәзерге вакытта Татарстан Республикасы сәламәтлек саклау министры А.Ю. Вафин кушуы буенча министрлык комиссиясе пациентның үлем факты буенча «12нче Шәһәр клиник хастаханәсе» ААҖдә тикшерү уздыра. Уздырылучы тикшерү вакытына операцияне ясаган хирург-табиб операцияләрне уздырудан алынган. Сәламәтлек саклау министрлыгы тикшерү органнарына булышлык күрсәтәчәк.

2013 елның ахырында иганәчелекнең иң яхшы гадәтләрендә «РИТЭК» ААҖ «ЛУКОЙЛ» Хәйрияле фонды белән бергә шәһәрләр һәм территорияләр үсешенә юнәлтелгән иҗтимагый проектларны һәм программаларны яклау буенча чара үткәрделәр (дүртенче ел рәттән). «Шәфкать» бәйге атавында ел саен проектларның иң зур саны катнаша.

М-7 трассасының 809 км ЮТҺ турында мәгълүмат «ГЛОНАСС+112» БДМС буенча 11 сәг. 03 мин. килде. Җиңел автомобильнең кюветка төшүе нәтиҗәсендә 6 кеше, шул исәптән 12-13 яшьлек Казанга олимпиадага баручы 5 яшүсмер зарар күрде. ЮТҺнең медик-санитар нәтиҗәләрен бетерү Республика һәлакәт медицина үзәгенең бригадасы һәм Казан шәһ. «Ашыгыч медицина ярдәме станциясе» ДАССОның 2 бригадасы белән гамәлгә ашырылды. ТР ССМ РКХ ДАССОның 2нче номерлы кабул итү бүлегенең мәгълүматлары буенча 2014 елның 17 гыйнварының 14.30 сәг. халәте буенча 1 зарар күргән кеше канәгатьләнерлек хәлдә, 5 яшүсмер уртача авыр хәлдә ашыгыч медицина ярдәменең машинасы белән

«Республика клиник хастаханәсе» ДАССОның травматология үзәгенә китерелгән һәм хастаханәгә салынган. Зарар күргән кешеләрнең тормышлары куркыныч астында түгел.

Көчле таҗсыман синдромлы авыруларга медицина ярдәмен күрсәтүне оештыру турында бүген Түбән Каманың күп профильле хастаханәсенең актлар залындагы киңәшмәдә сөйләделәр. Чарада булдылар: ТР ССМ баш кардиологы Альберт Галявич, ТКМР Сәламәтлек саклау идарәсенең башлыгы Илнур Хәлфиев, баш табиблар урынбасарлары, кардиологлар, ревматологлар, гомуми практик табиблары, ашыгыч ярдәмнең фельдшерлары.

2014 елның 15 гыйнварында 15 сәгатьтә Татарстан Республикасы Фәннәр академиясенең актлар залында (Казан шәһ., Бауман ур., 20) «2013 елда Татарстан Республикасы сәламәтлек саклау органнарының һәм оешмаларының эшчәнлек нәтиҗәләре һәм 2014 елга мәсьәләләр турында» Татарстан Республикасы Сәламәтлек саклау министрлыгы коллегиясенең киңәйтелгән утырышы булачак.