ЯҢАЛЫКЛАР

Казан шәһәренең «Сугыш ветераннары өчен госпитале» «Буыннар хәтере» фондыннан «Кызыл канәфер» Бөтенроссия хәйрия акциясендә катнашучылар акчасына сатып алынган медицина җиһазларын алды.

Татарстанның баш реабилитологы Резеда Бодрова, медицина бүлеге буенча баш табиб урынбасары Зөлфия Шәйхетдинова һәм ҮНС функцияләренең бозылуы белән булган пациентларны тернәкләндерү бүлеге мөдире Эльмира Хөсәенова кунак өчен анестезиология һәм реанимация бүлекләре, кабул итү бүлеге һәм операция блогы буенча экскурсия оештырдылар. Замполини әфәнденең клиникага визиты кысаларында клиник очракларны тикшерү, пациентларга консультация бирү һәм лекция планлаштырылган.

Казанда «Хәзерге заман этабында акушерлык-гинекологиянең һәм неонатологиянең актуаль мәсьәләләре. Проблемалар һәм аларны чишү юллары» дигән Россиякүләм регионара фәнни-гамәли конференция узды.

«#Салага Изгелек» Бөтенроссия акциясе Яшел Үзән районының Бишнә авылында узды. Медицина училищесы студентлары арасыннан «Волонтерлар-медиклар» авыл халкына йөрәк-кан тамырлары авыруларын һәм шикәр диабетын профилактикалау турында лекцияләр укыдылар, шулай ук «кан басымын үлчәт» дигән мастер-класс оештырдылар.

Әлмәттә профсоюз комитеты һәм ӘМР буенча Сәламәтлек саклау идарәсенең ветераннар советы Остаз көнен үткәрделәр. Медицина хезмәте ветераннарын сәламләп, ӘМР буенча Сәламәтлек саклау идарәсе җитәкчесе Вера Головина Аксакаллар советына шәһәрнең медицина оешмаларының элеккеге баш табиблары керүен ассызыклады. «Алар һәрвакыт барган вакыйгалар турында хәбәрдар. Ә бу очрашу – аларның ничек яшәүләрен белү, бертуктаусыз кызыксынулары һәм варислар, яшь табиблар белән җәмәгатьчелек эшләре өчен рәхмәт белдерү өчен тагын бер мөмкинлек. Ныклы һәм эшкә сәләтле коллективның нигезен ветераннар тәшкил итә», - дип билгеләп үтте ул.

2018 елның 10 октябреннән башлап 12 октябренә кадәр «Казан ярминкәсе» күргәзмә үзәгендә «Сәламәтлек индустриясе.Казан» дигән 23нче халыкара махсуслаштырылган күргәзмә узачак, ул югары сыйфатлы дару препаратларын, медицина техникасын, җиһазларын, сәламәтлек саклау өлкәсендә товарларны һәм хезмәт күрсәтүләрне дарулар базарына этәрү буенча Татарстан Республикасының төп мәйданы булып тора.

Әлмәт һәм Яр чаллы шәһәрләрендә яшәүче хатын кызлар күкрәк яман шешен иртә диагностикалауның мөһимлеге турында хатын-кызларның хәбәрдарлыгын арттыруга юнәлдерелгән #МИНУЗДЫМ социаль акциясендә катнаштылар. Акция Татарстан Республикасы Сәламәтлек саклау министрлыгы, ТР ССМ Республика клиник онкология диспансеры һәм Philips компаниясе ярдәмендә «Яман шешләргә каршы укыту» программасы чикләрендә узды.

Түбән Кама үзәк район күп профильле хастаханәсендә кешеләрне эвакуацияләү һәм янгын килеп чыккан очракта персоналның гамәлләрен өйрәнү буенча күнегүләр узды.

РКДҮ белгечләре Яр Чаллы шәһәренең 5нче номерлы шәһәр хастаханәсендә «Антикоагуляция» һәм «Йөрәк-кан тамырлары куркынычлары белән идарә итү» дигән пациентларны үзәкләштерелгән мониторинглау системасының модульләрен кертү буенча мастер-класс үткәрделәр. Чараның катнашучылары булып участок табиблары-терапевтлар, гомуми практика табиблары һәм шәһәрнең беренчел челтәренең табиб-кардиологлары торды. Табибларны Portavita (Нидерланд) программ тәэмин итү эше белән таныштырдылар.

Атна эчендә Казанның ашыгыч ярдәм хезмәтенең табиблары 7568 тапкыр, шул санда җәмәгать урыннарына 1269 тапкыр, кешеләрне коткарырга чыктылар. Бәхетсезлек очракларына медиклар 974 тапкыр чыктылар, шул санда юл-транспорт һәлакәтләренә – 60 тапкыр. Бу ЮТҺдә 73 кеше зыян күрде, 37 кеше дәвалау оешмаларына китерелде. Янгыннарга медиклар 12 тапкыр чыктылар. Бала табуларга Казанның Ашыгыч медицина ярдәме станциясеннән медиклар 80 тапкыр чыктылар. Төрле авырулар буенча 5837 чакыру үтәлде, шулардан көчле миокард инфарктлары – 55, баш мие кан әйләнешенең көчле бозылулары – 198.