«Балалар республика клиник хастаханәсе» ДАССУнең баш табиб вазыйфасына Зиатдинов Айрат Илгизәр улы билгеләнде

ТР Сәламәтлек саклау министры боерыгы белән «Балалар республика клиник хастаханәсе» ДАССУнең баш табиб вазыйфасына  Зиатдинов Айрат Илгизәр улы билгеләнде.

1977 елның 7 октябрендә туды.

2000 елда «Педиатрия» белгечлеге буенча Казан дәүләт медицина университетын тәмамлады,  2002 елда – «Социаль гигиена һәм сәламәтлек саклауны оештыру» белгечлеге буенча Казан дәүләт медицина университетының ординатурасын. 2009 елда «Юриспруденция» белгечлеге буенча Социаль һәм гуманитар белемнәр институтын тәмамлады.

Хезмәт эшчәнлеге:

2003–2005 елларда – Казан шәһ. Сәламәтлек саклау идарәсенең Авиатөзелеш районы сәламәтлек саклау бүлегенең дәвалау эше буенча җитәкче урынбасары;

2005–2008 елларда – Казан шәһ. Сәламәтлек саклау идарәсенең Вахитов районы сәламәтлек саклау бүлегенең башлыгы, Казан шәһ. Муниципаль берәмлекнең башкарма комитеты Сәламәтлек саклау идарәсенең Вахитов районы сәламәтлек саклау бүлегенең башлыгы;

2008 –2017 елларда – Казан шәһ. «4нче шәһәр сырхауханәсе» (Студентлар сырхауханәсе) ДАССУнең баш табибы;

2017–2018 елларда – Казан шәһ. «21нче шәһәр сырхауханәсе» ДАССУнең баш табибы.

Россия Федерациясе Сәламәтлек саклау министрлыгының Мактау Грамотасы белән бүләкләнде (2011 ел).