Казанда атна эчендә ашыгыч ярдәм хезмәтенә авырулар буенча чакырулар саны кимеде
2018 елның 30 апреленнән башлап 6 маена кадәр чор эчендә Казанның Ашыгыч медицина ярдәме станциясенә 7573 чакыру керде. Җәмәгать урыннарына 1121 чакыру керде. Чакыруларның иң зур саны – 5991 – төрле авыруларга туры килде, аларның 169 – баш мие кан әйләнешенең көчле бозылуы һәм 43 инфаркт.
Бәхетсез очракларга узган атнада ашыгыч ярдәм медиклары 983 тапкыр, шул санда ЮТҺ урыннарына 38 тапкыр чыктылар. Шул ЮТҺдә 40 кеше зыян күрде, 21 кеше дәвалау оешмаларына китерелде, бер кеше ЮТҺ нәтиҗәсендә вафат булды.
Янгыннарга узган атнада ашыгыч ярдәм медиклары 21 тапкыр чыктылар, анда 6 кеше зыян күрде. Бала табуларга ашыгыч медицина табиблары 90 тапкыр чыктылар.
Узган атна белән чагыштырганда үтәлгән чакырулар саны 140 очракка кимеде (авырулар исәбенә). Мөрәҗәгатьләр саны ЮТҺ буенча – 13кә, баш мие кан әйләнешенең көчле бозылуы буенча – 50гә, көчле миокард инфарктлары буенча – 35кә кимеде. Бала табулар буенча мөрәҗәгатьләр саны 21гә, янгыннар буенча – 4кә, кимеде. Җәмәгать урыннарына чакырулар саны 23кә артты.
«Ашыгыч ярдәмгә» шәһәр телефоныннан «03» номерын җыеп шалтыратырга кирәк, ә кәрәзле телефоннан – «103» (түләүсез). Әгәр шалтыратып булмый икән, тормышка куркыныч янаган хәлләрдә «112» номеры буенча шалтыратырга мөмкин. Чукрак-телсез кешеләр «ашыгыч ярдәм» бригадасын SMS-хәбәрләр җибәреп чакыра алалар. Моның өчен хәбәрне 8987-297-41-36 номерга җибәрергә була.
Авыру яисә зыян күргән кеше янына ашыгыч ярдәм бригадаларын тиз итеп чакыру өчен һәм үз вакытында медицина ярдәмен күрсәтү өчен чакыручы «03» номерында эшләүче фельдшер (диспетчер) биргән бөтен сорауларга аңлаешлы һәм төгәл итеп җавап бирергә тиеш.
Чакыруның сәбәбен, урынын һәм адресын (шәһәрнең районын, урамын, квартира номерын, катын, подъезд номерын һәм кодын), ориентирларны, авыруның яисә зыян күргән кешенең фамилиясен, исемен, әтисенең исемен хәбәр итәргә кирәк. Фельдшер, бирелгән сорауларга тулы җаваплар алгач, чакыручыга «Сезнең чакыруыгыз кабул ителде» дип җавап бирсә, чакыруны кабул итү вакытын әйтсә һәм адресны кабатласа, чакыру кабул ителгән дип санала.