Бүген - Дөньякүләм аутизм проблемасы турында мәгълүмат тарату көне

Дөньякүләм аутизм проблемасы турында мәгълүмат тарату көне 2008 нче елның 21 нче гыйнварында
Берләшкән милләтләр оешмасы Генераль ассамблеясы резолюциясе белән билгеләнгән. Бу
датаның максаты - төзәлми торган авыру белән азапланган кешеләргә булышырга һәм аларның
яшәү дәрәҗәсен күтәрергә кирәклеген ассызыклау.
Аутизмнан интегүче балалар саны дөньяның бөтен регионнарында да зур һәм балалар, аларның гаиләләре һәм җәмгыять өчен гаять зур начар нәтиҗәләргә китерә. Аутизм-бу яшәүнең беренче өч ел эчендә беленә торган нерв системасы үсешенең бозылуы. Бу авыру өч симптом булган очракта диагностикалана: иҗтимагый тәэир итешү җитмәү, бер-берең белән тигез аралашу бозылу, кызыксынулар чикләнгәнлек һәм үз-үзе тотышының кабатланып торучы репертуары.
Бу билгеләрнең тасвирламалары үрнәкләрен «аутизм» атамасы үзе кертелгәнче күп еллар элек барлыкка килгән тарихи чыганакларда табарга мөмкин. Авыру симптомнары «Авероннан кыргый малай» - француз урманнарында яшәүче һәм 12яшьтә кешеләргә эләгүче XVIII гасыр мауглие тасвирламаларында да күзәтелә.
«Autismus» атамасы үзе швейцар психиатры Эйген Блейлер тарафыннан 1910 нче елда шизофрения
симптомнарын тасвирлаган вакытта уйлап чыгарылган булган. «Нормаль булмаган үз-үзең белән
соклану» дигәнне белдергән шул неолатинизм нигезенә ул, «пациентның һәр тышкы йогынты
түзмәслек бәйләнчеклек булып кабул ителә торган үз фантазия дөньясына кереп китүен»
ассызыкларга ниятләп, «ауто» («үзе») грек сүзен салды. 
Америка медиклары АКШта аутизмнан азапланучы балалар микъдары тарихи максимумга иреште дип таптылар.  Бүген бу авыру һәр 88-нче балада очрый. Шуның өстенә малайлар, кыз балаларга караганда, биш тапкыр ешрак аутизмның корбаны булалар.