Министр Айрат Фәррахов: «Аеклык әхлагы кертү генә җимерү векторын төзү векторына алмаштыра алачак»

Бүген Татарстан Республикасы Сәламәтлек саклау министры Айрат Фәррахов җитәкчелеге астында эшче төркемнең алкогольле продукцияне, сыраны, тәмәкене чамадан тыш куллану профилактикасы һәм халык арасында сәламәт яшәү рәвешен формалаштыру буенча чираттагы утырышы үтте. Утырышта яшьләрләр, спорт һәм туризм министрлыгы, Татарстан Республикасы Мәгарифлар һәм фән министрлыгы, Татарстан буенча эчке эшләр министрлыгы һәм Татарстан Республикасы Сәламәтлек саклау министрлыгы вәкилләре булдылар. Көн тәртибендә 2 сорау каралды: алкогольле исереклек халәтендә башкарылучы хокук бозуларның профилактикасы буенча кулланылучы чаралар, һәм балаларда һәм үсмерләрдә сәламәтлек өчен һәлакәтле гадәтләр барлыкка килүгә альтернатива тәкъдим итү максаты белән мәктәп спортын үстерү турында.
Татарстан Республикасында алкогольле ситуация, алкогольле патология белән авырулар саны дәрәҗәләре һәм аларның таралганлыгы кимүгә карамастан, гомумән, киеренке булып кала.
«Шушы проблема буенча дәүләт сәясәтенең төп максаты - алкогольле продукцияне чиктән тыш куллануга каршылык итү, наркоманиягә каршы көрәш. Алкоголь һәм тәмәке куллануны киметүне кертеп, сәламәт яшәү рәвешен формалаштыру 2009 елдан бирле төп приоритет булып тора», - дип билгеләде министр А.З. Фаррахов.
2012 нче елның башына диспансер күзәтүе астында 34 447 эчкечелек һәм алкогольле психозлар белән авыручы кеше тора, бу 100 мең кешегә 911,6 ны тәшкил итә, 2010 нчы елда барлауда (учетта) 34 908 шундый авыру торды (100 мең кешегә 923,8). 2010 нчы ел белән чагыштырганда таралганлык 1,3% ка кимеде һәм соңгы 5 ел эчендә шундый динамика күзәтелә.
Татарстан Республикасында 2020 нче елга кадәр чор вакытына Россия Федерациясенең халкы арасында алкогольле продукцияне чамадан тыш куллану масштабларын киметү һәм эчкечелек профилактикасы буенча Дәүләт сәясәте концепциясенең төп юнәлешләрен тормышка ашыру оештырылган.
Дөньякүләм сәламәтлек саклау оешмасы бәяләү буенча, ел саен алкоголь кулланганнан һәм аның белән бәйле нәтиҗәләрдән бөтен илдә 2,5 миллион кеше, шул санда 300 меңнән артыгы – 15 яшьтән 29 яшькә кадәрге вакытта үлә. Россия Федерациясе алкоголь куллану буенча һәм, нәтиҗә буларак, аның халык сәламәтлегенә һәм дәүләтң икътисадына китергән зарары дәрәҗәсе буенча ил-лидерлар санында булуын дәвам итә. Эчкечелек белән авыру контингенты 2011 елда, 2010 ел белән чагыштырганда, 1,85% ка түбәнәйде (32 850 дән 32 243 кадәр). Алкоголь бәйлелеге белән диспансер барлавында торган кешеләр саны Азнакай районында - 16,5% ка; Аксубай районында - 7,5% ка; Актаныш районында - 8,3% ка; Алексеевск районында - 23,2% ка; Әлки районында - 3,8%; Апас районында - 10,3% ка; Арча районында - 7,5% ка; Балтач районында - 7,9% ка; Буа районында - 11,8% ка; Югары Ослан районында - 10,4% ка; Чүпрәле районында - 34,0% ка; Алабуга районында - 7,1% ка; Яшел Үзән районында - 9,7% ка; Кама Тамагы районында - 19,5% ка; Лениногорск районында - 4,1% ка; Менделеевск районында - 5,7% ка; Минзəлə районында - 10,2% ка; Мөслим районында - 11,4% ка; Балык Бистәсе районында - 9,2% ка; Ютазы районында - 18,9% ка; Түбəн Кама районында - 2,9% ка кимү күзәтелә.