Беренче тапкыр 12 операция

Актаныш районы сәламәтлек саклау тарихында әһәмиятле вакыйга булды. Беренче тапкыр 16 нчы -17 нче апрель көннәрендә Актаныш Үзәк район больницасында 12 тапкыр күз алмасының алгы өлешләренә катаракта операциясе уңышлы итеп ясалды (интраокуляр линза имплантациясе белән факоэмульсификация). Игътибар итәрлек, беренче пациент булып 91 яшьлек Бөек Ватан сугышы ветераны булды. Операцияне Республика клиник офтальмология больницасының югары категорияле табиб офтальмологы Викторина Шепталина, Казан дәүләт медицина академиясенең табиб ординаторы Илина Минхузина һәм Дәүләт үзидарәле сәламәтлек саклау оешмасы «Актаныш Үзәк район больницасы»ның табиб офтальмологы Айгөл Галиева ясадылар. Операцияләр Татарстан Республикасы Сәламәтлек саклау министрлыгы материаль техник җиһазлауга билгеләгән квота аркасында мөмкин булдылар (2012 нче ел өчен 200 квота билгеләнгән). Актаныш районында оператив дәвалау алу өчен чиратта якынча 400 авыру тора. Алга таба шундый операцияләр якын-тирә район пациентлары өчен дә планлаштырылалар.