Азнакай районында республика күләмендә беренче яңа төр фельдшер-акушер пункты (ФАП) ачылды

Бүген Азнакай районында Татарстан Республикасы Дәүләт Советы Президиумының чыгу утырышы
булды. Татарстан Республикасы Дәүләт Советы рәисе Фәрит Мөхәммәтшин җитәкчелеге астында булган
утырышта катнашучыларны Азнакай районының башкарма комитеты җитәкчесе Марсель Шәйдуллин
озата барды.

ФАП ның өч төре ясалды: А(44,3 кв.м), В(62,5 кв.м), Г(83,3 кв.м). Беренчесе авылларда халык санына
бәйле рәвештә кулланылачак.

 Шундый модульле фельдшер-акушер пункты Метрәй авылында эшли башлады. Бүлмә газ белән
ягыла, телефон бәйләнеше бар, янгынга каршы һәм саклау сигнализацияләре урнаштырылган.
Процедура кабинеты бар, фельдшер кабинеты балалар һәм акушер кабинетлары белән
берләштерелгән, санитария, хуҗалык бүлмәләре, килүчеләр өчен көтү бүлмәсе бар.