Кемерово өлкәсеннән баш табиблар делегациясе Татарстан клиникаларында булды

2019 елның 22 гыйнвары, сишәмбе

Кемерово өлкәсеннән баш табиблар делегациясе Татарстан клиникаларында булды. Балалар республика клиник хастаханәсендә кунаклар кабул итү бүлеген, реанимация-консультация үзәген, ангиография, компьютер томографиясе, кардиохирургия бүлеген, кардиохирургия һәм нейрохирургия операцион блогын, яңа туган балалар реанимациясе бүлеген карадылар. Делегатлар «Роналд Макдоналд йорты» гаилә кунакханәсендә булдылар, шул йортта яшәүчеләр – БРКХдә дәваланучы ата-аналар һәм балалар белән аралаштылар.