БРКХ белгечләре эш визиты белән Арча шәһәренә килеп киттеләр

2019 елның 2 феврале, шимбә

Көннең беренче яртысында табиблар укучыларны карап тикшерделәр. Медицина бригадасы составына: табиб-педиатр, табиб-эндокринолог, табиб-аллерголог, УЗИ табибы һәм табиб-кардиолог керделәр. 60тан артык бала медицина тикшерүе узды, 25тән артык йөрәккә УЗИ тикшерүе үткәрелде. Көннең икенче яртысында төрле яшьтәге укучылар белән сәламәт яшәү рәвешен формалаштыру буенча эш алып барылды; БРКХнең оештыру-методик эш буенча баш табиб урынбасары Альмира Мостафаева һәм БРКХнең Сәламәтлек үзәге җитәкчесе Гүзәл Яруллина дөрес, балансланган һәм файдалы яшәү рәвешен ничек алып бару турында лекцияләр укыдылар һәм презентацияләр күрсәттеләр.