Чистайда БМКӘКБ кичергән пациентларны реабилитацияләү мәсьәләләре турында фикер алыштылар

Чистай ҮРХ стационарында баш мие кан әйләнешенең кискен бозылуын кичергән пациентларны реабилитацияләү һәм карау мәсьәләләренә багышланган фәнни-гамәли конференция булды.

Чараның оештыручылары булып Сәламәтлек саклау министрлыгы, Регионара клиник-диагностика үзәге һәм Чистай ҮРХ чыгыш ясадылар.

Чарада республиканың Әлки, Аксубай, Яңа Чишмә, Спас, Норлат, Чистай районнарыннан гомуми практика табиблары, неврологлар, ашыгыч медицина ярдәме фельдшерлары, фельдшер-акушерлык пунктлары фельдшерлары катнаштылар. Конференция мультимедиа озата бару белән ачык лекцияләр режимында узды, шулай ук Чистай ҮРХ кан тамырлары үзәгенең табиблары өчен мастер-класс уздырылды.