«Здравомыслие (Сәламәт фикерлелек)» дигән медицина китап премиясенә гаризалар кабул итү игълан ителде

«Здравомыслие (Сәламәт фикерлелек)» медицина китап премиясе табиблар эшчәнлегенә ярдәм итү, россиялеләр арасында базалы биомедицина белемнәрен популярлаштыру, сәламәт яшәү рәвешен пропагандалау һәм сәламәтлек культурасын тәрбияләү өчен Сәламәтлек саклау министрлыгы белән берлектә оештырылды. Бүләкне «Медицина һәм сәламәтлек саклау», «Сәламәтлек һәм сәламәт яшәү рәвеше», «Табибларның һөнәри эшчәнлеге», «Медицина өлкәсендә фәнни ачышлар һәм технологияләр» темаларына багышланган рус телендә яңа китаплар алачак.