Медицина университеты Клиникасында шәфкать туташларын котладылар

2019 елның 19 мае, якшәмбе

2019 елның 15 маенда «Медицина университеты клиникасы» ДАССУнең хирургия клиникасының конференц-залында «Шәфкать туташы көненә " багышланган бәйрәм чарасы тантаналы һәм җылы рәвеш тә узды. Клиникада бу бәйрәмне билгеләп үтү күркәм традиция барлыкка килде. Баш табиб булышлыгы белән бу чара ел саен үткәрелә.

Коллектив алдында чыгыш ясап, баш табиб Илнур Хәсән улы Шәрәфетдинов шәфкать туташларына хезмәтләре өчен ихлас рәхмәт сүзләрен җиткерде.

Шәфкать туташларына һөнәри бәйрәм уңаеннан күпьеллык намуслы хезмәтләре, эшләрендә уңышлы күрсәткечләре һәм югары профессиональлекләре өчен Мактау грамоталары һәм Рәхмәт хатлары тапшырылды.