Чистай табиблары гражданнарга тәмәкене конфетларга алыштырырга тәкъдим иттеләр
Чистай ҮРХ сырхауханәсенең хезмәткәрләре һәм Чистай медицина училищесы студентлары чистайлыларга тәмәкеләрне конфетларга алыштырырга тәкъдим иттеләр.
Чараның төп максаты – сәламәт яшәү рәвешен формалаштыру һәм тәмәке бәйлелегенең халык арасында таралуын киметүгә ярдәм итү. 2019 елның 24 маенда «Чистай ҮРХ» ДАССУ сырхауханәсенең медицина психологы Ольга Баранская Чистай медицина училищесының студент-волонтерлары белән берлектә килүчеләргә тәмәкене конфетка алыштырырга һәм тәмәке тартудан бер көнгә генә булса да баш тартырга тәкъдим иттеләр. Шулай ук акция чаралар комплексын, аерым алганда: мәгълүмати бюллетеньнәр эшләүне һәм брошюралар таратуны да үз эченә алды.
Акция үткәрү вакытында 50 брошюра таратылды. Тәмәке тартуның тискәре нәтиҗәләре һәм тәмәке төтенең тирә-юньдәгеләр өчен зыяны турында агитация әңгәмәсенә аерым игътибар бирелде.