Бүген Мәскәүдә «Милләт сәламәтлеге – Россиянең гөрләп алга баруының нигезе» Бөтенроссия форумы башланды. Татарстан делегациясен ТР сәламәтлек саклау министрының беренче урынбасары Альмир Абашев һәм Республика клиник хастаханәсенең баш табибы Рафаэль Шәвәлиев тәкъдим иттеләр. Алар форум кунакларына республиканың сәламәтлек саклау системасының үзенчәлекләре турында сөйләделәр.