БРКХ «Тормыш линиясе» фондыннан нейрохирургия операцион микроскопын алды
1 июньдә Балаларны яклау көнендә «Тормыш линиясе» хәйрия фонды БРКХнең нейрохирургия бүлегенә 900 Carl Zeiss җитештергән 21 411 900 сумлык OPMI Pentero заманча нейрохирургия операция микроскопын сатып алу өчен сертификат тапшырды.
Балаларны яклау көнендә Республика балалар клиник хастаханәсендә тантаналы тапшыруда ТР премьер-министры урынбасары Ләйлә Фазлыева, ТР сәламәтлек саклау министрының беренче урынбасары Альмир Абашев, «Тормыш линиясе» хәйрия фонды президенты Фаина Захарова һәм БРКХ баш табибы Айрат Зыятдинов катнаштылар.
Баш һәм арка миенә заманча нейрохирургик тыкшынуларны үткәрү күп тапкыр зурайтып күрсәтү таләп итә. Бу ультразаманча операция микроскопыннан башка мөмкин түгел. Операциянең нәтиҗәсе микроскопның техник характеристикасыннан турыдан-туры бәйле. Бу микроскопны куллану нейрохирурглар эшендә ярдәм итәчәк һәм катлаулы операцияләр вакытында нерв структураларының зарарлану мөмкинлеген үз вакытында кисәтергә мөмкинлек бирәчәк, хирургия мөмкинлекләрен киңәйтәчәк һәм интраоперацион өзлегүләр куркынычын киметәчәк.