Россия Сәламәтлек саклау министрлыгы Регионнарның социаль инновацияләренең 3нче форумын хуплый
2019 елның 19-21 июнендә Регионнарның социаль инновацияләренең 3нче форумы узачак һәм Россия Федерациясенең барлык субъектларыннан 300дән артык катнашучыны берләштерәчәк, алар арасында хакимият органнары, социаль юнәлешле коммерцияле булмаган оешмалар, бизнес, үсеш, медицина, фән институтлары, эксперт бергәлеге, волонтерлык хәрәкәте вәкилләре бар.
Регионнарның социаль инновацияләренең 3нче форумының төп темасы – социаль өлкәне инновацион үстерүдә милли проектларның роле.
Гадәттәгечә Россия Федерациясе субъектларының инновацион социаль проектларының күргәзмәсе ачылачак. Россия Федерациясе субъектларының дәүләт хакимияте органнары һәм инвесторлар арасында социаль өлкәдә инфраструктура проектларын гамәлгә ашыру турында берничә килешү имзаланачак, шулай ук социаль сәясәтнең инновацион үсешенең территориясе буларак Мәскәүнең флагман социаль проектларын презентацияләү булачак.
Мәдәни программа чикләрендә өлкәннәр һәм балалар өчен танылган артистлар катнашулары белән хәйрия спектакльләре оештырылачак.
Чарага сылтама: https://social-forum.ru/