РКХнең эндоскопия бүлегенең хезмәткәрләре уникеилле эчәкнең яман булмаган шешен бетерү буенча операция уздырдылар
Уникеилле эчәкнең зур дуоденаль төере (ЗДТ) ампуласының яман булмаган шешләре сирәк очрый һәм ашказаны-эчәк трактындагы барлык шешләрнең 0.4% -0.12% тәшкил итә. Әмма 60-65% очракта яман шеш трансформациясе барлыкка килә, шуңа күрә гомуми кабул ителгән дәвалау тактикасы булып аларны алып ташлау тора.
Республика клиник хастаханәсенең эндоскопия бүлеге хезмәткәрләре – бүлек мөдире Марат Нәҗмиев, табиб-эндоскопист Җәүдәт Васильев һәм шәфкать туташы Динә Авксентьева авыр дисплазия белән эре зурлыктагы зур дуоденаль төер аденомасын бетерү буенча икенче эндоскопик операцияне уңышлы үткәрделәр.
Операциядән соңгы чор үзенчәлекләрсез узды. 85 яшьлек пациент операциядән соң 6нчы көнгә чыгарылды һәм көндәлек тормыш эшчәнлегенә әйләнеп кайтты. Операцияләрнең әлеге төрен хәтта өлкән яшьтәге кешеләргә дә үткәрергә мөмкин.