15 февральдә операцион шәфкать туташы көне узды

2020 елның 17 феврале, дүшәмбе

15 февральдә операцион шәфкать туташы көне узды. Аларны операция бүлмәсенең хуҗабикәләре һәм күңеле, дип атыйлар, ә табиблар үзләре операцион шәфкать туташлары – хирургның икенче хатыны, дип шаярталар. Алар операция бүлмәсенең бригадасын, пациентны, стерильлекне күзәтәләр һәм хирургны сүзсез генә аңлыйлар. Бәйрәм алдыннан без эш нечкәлекләре турында ТКҮРКПХнең операция бүлегенең операцион шәфкать туташы Әлфия Закарьян кызы Миннегулова белән сөйләштек.