ЯҢАЛЫКЛАР

Бүген Бөек Ватан сугышы ветераны, Республика клиник хастаханәсенең элеккеге табибы-офтальмологы Маслова Евгения Яков кызы 100-еллык юбилеен билгеләп үтә.

Республика клиник онкология диспансерына ISO 9001: 2015 стандарты таләпләренә туры килү сертификатын тапшырдылар.

Уздырылган аудит учреждениедә амбулатор һәм стационар шартларда махсус инновацион онкологик медицина ярдәмен күрсәтү өлкәсендә төзелгән менеджмент системасы стандарт таләпләренә туры килүен раслады.

Яр Чаллыда сәламәтлек саклауның шәһәр тармагы эшенең йомгакларын ясау белән утырыш узды.

Казанда 2017 елның йомгакларына һәм 2018 елның бурычларына  багышланган Республика СПИД һәм йогышлы авыруларны профилактикалау һәм алар белән көрәш буенча үзәгендә медицина советы узды.

2018 елның 18 мартында Россия Президентын сайлаулар узачак. Үзәк сайлау комиссиясе булачак президент сайлауларында тавыш бирү процедурасын җиңеләйтүгә юнәлдерелгән яңалыклар кертте. Хәзер Россия гражданнары, паспорттагы теркәүгә карамастан, теләсә кайсы сайлау участогында тавыш бирүдә катнаша алалар.

Түбән Камада  ЮХИДИ хезмәткәрләре өчен «Сәламәт ир-ат» акциясе узды. Әлеге хезмәт хезмәткәрләре Түбән Кама юлларында төрле һава шартларында дежур торалар һәм барыннан күбрәк артык суыну белән бәйле авыруларга дучарлар. Чараның максаты –  ирләргә сәламәтлекләрен саклауга һәм ныгытуга игътибарларын җәлеп итү.  Барлык теләүчеләр артериаль кан басымын, буйны, авырлыкны үлчи һәм гәүдә массасының индексын билгели алдылар. Табиб нарколог-психиатр Ирина Жукова һәм табиб-уролог Рәсим Мотыйгуллин ир-атларның авыруларын һәм эчкечелекне кисәтү турында сөйләделәр.

 Казанда Республика клиник туберкулезга каршы диспансерының 2017 елда учреждение эшенең йомгакларына һәм 2018 елга бурычларга багышланган  медицина советының утырышы узды.

Чистайда 2017 ел эчендә районның сәламәтлек саклау учреждениеләре эшенең йомгакларын ясадылар һәм 2018 елга бурычларны тавышландырдылар. Медицина советының эшендә Татарстан Республикасы сәламәтлек саклау министры урынбасары Илдар Фатыйхов, Татарстан Республикасы юстиция министры Рөстәм Загидуллин, Татарстан Республикасы Дәүләт советы депутаты Рафил Нугуманов, Чистай муниципаль районы башлыгы Дмитрий Иванов, «Чистай ҮРХ» ДАССУ баш табибы Рәис Мостафин катнаштылар.

Бүген тормышның 89 елында Яр Чаллы АМЯХнең беренче баш табибы, Татарстан Республикасының атказан табибы, «Хөрмәт билгесе», «Халыклар дуслыгы» орденнарының кавалеры, СССР сәламәтлек саклавының отличнигы, Яр Чаллы шәһәренең хөрмәтле гражданины Ирек Гасыйм улы Ишкинеев вафат булды.

Республика клиник хастаханәсенең, Балалар республика клиник хастаханәсенең, Республика клиник онкология диспансеры һәм Республика медицина профилактикасы үзәгенең белгечләре Мамадыш районында торучыларга консультацияләр бирделәр. Кабул итү  «Сәламәт киләчәк»дигән «Бердәм Россия» федераль проекты  чикләрендә шәһәрнең ике мәйданчыгында узды.